«Azııadaǵy túsinistik pen únqatysý alańy» - respýblıkalyq basylymdarǵa sholý
***
Keshe elordadaǵy Táýelsizdik saraıynda Azııadaǵy ózara is-qımyl jáne senim sharalary jónindegi keńestiń (AÓSShK) mereıtoılyq sessııasy jáne Syrtqy ister mınıstrleriniń IV kezdesýi boldy. Oǵan Qazaqstan Prezıdenti Nursultan Nazarbaev qatysyp sóz sóıledi. Osy alqaly jıyn arqaý bolǵan maqala el gazeti «Egemen Qazaqstanda» «Azııadaǵy túsinistik pen únqatysý alańy» degen taqyryppen jarııalandy. «Azııa elderi arasyndaǵy senimdi nyǵaıtpaı, qaýipsizdiktiń jahandyq mindetterin sheshýde aıtarlyqtaı ilgerileýshilikterge qol jetkizý qıyn bolatyny anyq. Osyǵan baılanysty, bizge Azııadaǵy qaýipsizdik pen yntymaqtastyq máseleleri boıynsha birlesip sheshim qabyldaý úshin forýmnyń áleýetin barynsha paıdalaný qajet», - dedi Elbasy jıyn barysynda.
Tarıhı kezeńdi artqa tastap óz aldyna derbes damý jolynan ótken 20 jyl ishinde TMD aýmaǵyndaǵy memleketterdiń utqany bar, utylǵany bar. Utylǵany - tynyshy ketip, ekonomıkasy birneshe jyldarǵa keri ketken elder. Utqany - ǵalamı órkenıetke ózindik ustanymymen jol tartqan memleketter. Álemdik saıası-ekonomıkalyq yqpaldastyqqa birlese ún qatyp otyrǵan áriptes elderdiń Eýrazııalyq ekonomıkalyq odaǵy týraly «Egemen Qazaqstan» gazeti QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń birinshi orynbasary Leıla Muzaparovadan pikir suraǵan. «Osy tańda qyzý qarym-qatynas kepili bolyp otyrǵan Eýrazııalyq ekonomıkalyq yqpaldastyq álemge keńinen tanylyp úlgerdi. Onyń sebebi, birinshiden, belgili bir tarıhı negizden tamyr tartyp, Eýrazııa keńistiginde kóne ǵasyrlardan beri alma-kezek damyp kele jatqan geosaıası qurylymdar - ortaq memlekettilik pen memleket bop qalyptasýshy qoǵamdar arasyndaǵy tyǵyz baılanys bar», - deıdi ol «Ǵalamdyq ekonomıkadaǵy jańa qadam» degen taqyryppen berilgen shaǵyn suhbatynda.
***
Ótken jyldyń qarasha aıynda-aq qazaqstandyq sot V.Hrapýnovty tutqyndaýǵa sanktsııa bergen bolatyn. Almaty qalasynyń eks-ákimine qatysty 20 qylmystyq istiń qozǵalýynyń ózi-aq osyndaı sheshimniń shyǵarylýyna negiz bola alady. Hrapýnovqa halyqaralyq izdeý jarııalanbaı turyp-aq, qazaqstandyq qoǵamda «óziniń baılyqqa malynǵan keremet ómirin maqtan tutyp, ońdy-soldy aqshany shashyp júrgen burynǵy sheneýnikte sonshama mıllıondar qaıdan?» degen suraqtar kóp bolatyn. Asa iri alaıaqtyqqa qatysy bar degen kúdik taǵylǵan «shveıtsarııalyq mıllıonerdi» qolǵa túsirýge búgingi kúni qazaqstandyq qoǵamnyń múddeliligi de arta túsýde. Mine osy elimizdiń eks-sheneýnigi jaıyndaǵy maqala «Aıqyn» gazetiniń beısenbilik sanynda «Jenevada vıllany qalaı satyp alýǵa bolady?» degen taqyryppen basyldy.
Charlı Chaplın marqum kóziniń tirisinde jurtty kúlkige qaryq qylýmen birge, onyń arǵy jaǵynda aşy aqıqattar jatatyndyǵyn da aıtypty. Teledıdar arqyly da kúlkili jaǵdaılardy nasıhattaǵan akterdiń aıtýynsha, keıbir qasiretterdiń ózi kisiniń kúlkisin keltiretin kórinedi. Keıde ózimizdiń teris tirlikterimiz de ezý tarttyrady eken. Tipti kúlkili ólim de bolatyny aqıqat. Al osy kúlkili ólimder jaıynda bilgińiz kelse, «Aıqyn» gazetindegi «Kúlemiz be, qaıtemiz?!» degen maqalaǵa nazar aýdaryńyz. «Taıvan serıalyn kórip otyrǵan tórt qytaılyq jasóspirim atjalmandy óltiretin ý qosylǵan qaýyndy jep, ana dúnıege «saıahatqa» barǵysy keledi. Qatty ýlanǵan olar: «Eger ol jaqta jaman bolsa, biz qaıta oralamyz» dep hat qaldyrady. Biraq tórteýdiń ekeýi dárigerlerdiń arqasynda tiri qalyp, ózge ekeýi kóz jumypty», - dep jazady basylym.
***
«Alash aınasy» gazetiniń turaqty «Dat!» aıdarynda «Nazarbaev zııatkerlik mektepteri» DBBU Pedagogıkalyq sheberlik ortalyǵy Almaty qalalyq fılalynyń dırektory Berik Asaýbaevpen aradaǵy suhbat «Mektep dırektorlarynyń barlyǵy top menedjer bolýy kerek» degen taqyryppen berilgen. Basylymnyń barlyq saýalyna tuşymdy jaýap bergen ol: «Qıt etse boldy, «júıeni ózgertý kerek» dep shyǵamyz. Al eger UBT-ny alyp tastasaq, bári keremet bolyp kete me? Joq! Biz burynǵy emtıhandyq júıege qaıtadan kóshetin bolsaq, onda naǵyz jemqorlyqtyń kókesi sonda bolady. Sondyqtan bul júıeniń nemese balanyń nasharlyǵynan emes, sol oqýshylardyń oqýǵa degen yntasyn oıata almaı otyrǵan muǵalimderdiń bilim berý ádisiniń álsizdiginen deýimiz kerek», - deıdi.
***
«Kazahstanskaıa pravda» gazetiniń jazýynsha, Elbasy Nursultan Nazarbaev Azııadaǵy ózara is-qımyl jáne senim sharalary jónindegi keńestiń mereıtoılyq sessııasy aıasynda Reseı Federatsııasynyń Syrtqy ister mınıstri Sergeı Lavrovpen kezdesý ótkizdi. Kezdesý barysynda N.Nazarbaev Reseı tarabyna AÓSShK mereıtoılyq is-sharalaryna qatysqany úshin rızashylyǵyn bildirdi. Eki el arasyndaǵy seriktestik pen dostyqty nyǵaıtýda aldaǵy ýaqytta ótetin Qazaqstan men Reseı óńiraralyq yntymaqtastyǵy forýmynyń mańyzy zor ekeni atap ótildi. Qazaqstan Prezıdenti kezdesýdiń qorytyndysy boıynsha beıbitshilik pen kelisimdi nyǵaıtýǵa sińirgen eńbegi úshin RF Syrtqy ister mınıstri S.Lavrovqa I dárejeli «Dostyq» ordenin tapsyrdy.