Azııada Kremnıı alqabyna uqsas ortalyqtar sany ósýde

NUR-SULTAN. QazAqparat - Shyǵys Azııada Kremnıı alqabyna uqsas ǵylymı-tehnıkalyq ortalyqtar sany ósýde. Bul týraly Dúnıejúzilik zııatkerlik menshik uıymy (DZMU) baıandamasynda aıtylǵan, dep habarlaıdy QazAqparat BUU jańalyqtar qyzmetine silteme jasap.

Aldyn ala shyǵarylymda «Ǵylymı-tehnologııalyq klasterler (ǴTK)» taraýyna – Kremnıı alqaby sııaqty ǵylymı-tehnıkalyq ortalyqtardyń eń kóp shoǵyrlanǵan jerlerin taldaýǵa basa nazar aýdarylǵan.

Búgingi tańda klasterler reıtınginde Tokıo–Iokogama klasteri kósh bastap tur, odan keıin Shenchjen–Gonkong–Gýanchjoý (Qytaı jáne Gonkong, Qytaı), Beıjiń (Qytaı), Seýl (Koreıa Respýblıkasy) jáne San-Hose–San-Frantsısko (Amerıka Qurama Shtattary).

Sonymen qatar ǵylymı-tehnıkalyq qyzmettiń halyq sanyna qatysty eń joǵary qarqyndylyǵy Birikken Koroldiktegi Kembrıdj jáne Nıderlandydaǵy/Belgııadaǵy Eındhoven klasterlerinde, odan keıin Koreıa Respýblıkasyndaǵy Tedjon, San-Hose–San-Frantsısko jáne Birikken Koroldiktegi Oksford klasterlerinde tirkelgen.

Foto: VOIS