Azııada ekonomıkalyq órkendeý bastalady – Úndistandyq dıplomat

ASTANA. QazAqparat – Biz búginde «Ejelgi Azııa» tujyrymdamasyna oralyp jatyrmyz. Muny elordada ótip jatqan Azııadaǵy qaýipsizdik jáne yntymaqtastyq forýmy barysynda Úndistannyń Qazaqstandaǵy eks-elshisi, Nıý-Delıdegi Jahandyq zertteýler ınstıtýtynyń prezıdenti Ashok Sadjanhar aıtty, dep habarlaıdy QazAqparat tilshisi.

«Biz búginde «Ejelgi Azııa» tujyrymdamasyna oralyp jatyrmyz. Bul ýaqytqa deıin ekonomıkalyq ósim batys elderinde boldy. Endi ekonomıkalyq órkendeý Azııada júredi. Sebebi álemniń jetekshi memleketteri osynda ornalasqan. Bul jerde másele Azııadaǵy elderdiń osy múmkindikti qanshalyqty paıdalana alýynda. Bul rette Qazaqstan mańyzdy ról atqarady. Sizderdiń elderińizdiń mańyzdy ortalyqta ornalasýy, jalpy ishki ónimniń turaqty ósýi sııaqty faktorlaryn utymdy qoldanýǵa bolady. Sonymen qatar, Qazaqstan árqashan ashyq, erkin dıalogqa daıyn», - dep málim etti Ashok Sadjanhar.

Qosa ketsek, atalǵan forým aıasynda sóz sóılegen BUU Qaýipsizdik keńesiniń Terrorızmge qarsy komıtetiniń atqarýshy dırektory Natalıa German Qazaqstannyń «Jýsan» gýmanıtarlyq arnaıy operatsııasy ózge memleketterge úlgi ekenin atap ótti.

Eske salaıyq, buǵan deıin elordada Azııadaǵy qaýipsizdik jáne yntymaqtastyq forýmy ótip jatqanyn habarlap edik. Oǵan Azııa elderinen kelgen 60-tan astam sarapshy qatysyp jatyr.