Azııa rekordyn jańartqan Marııa Dmıtrıenko júldesiz qaldy
14:19, 20 Tamyz 2018
ASTANA. QazAqparat - Djakartada ótip jatqan Azııa oıyndarynynda stend atýdan Azııa rekordyn jańartqan Marııa Dmıtrıenko júldege ilikpedi, dep habarlaıdy QazAqparat tilshisi.
QR UOK-niń baspaóz qyzmeti málim etkendeı, ol sheshýshi sátte múlt ketip, qajetti upaıdy jınaı almady.
«Trap» baǵdarlamasy boıynsha fınaldyq kezeńge alty eldiń sportshylary ótken bolatyn. Marııa Dmıtrıenko eki irikteý aınalymynda da kósh bastap, fınalǵa birinshi orynmen shyqty.
Odan bólek, bizdiń sportshymyz 119 upaı jınap, Azııa oıyndarynyń rekordyn jańartqan edi.
Ókinishke qaraı, aqtyq synda Marııa qatelikke boı aldyryp, júldegerler qataryna ilingen joq.
Bul baǵdarlama boıynshy altyn medaldi Qytaı sportshysy, kúmis júldeni Ońtústik Koreıa sportshysy jeńip alsa, qola medaldi Lıvan sportshysy qanjyǵasyna baılady.