Qytaıdyń Hanjchoý qalasynda ótip jatqan Azııa para oıyndarynda Roman Potapov 100 metrge shalqalaı júzýde qola medal aldy, dep habarlaıdy Kazinform.
Atalǵan saıysta elimizdiń atynan Kırıll Ilıýkevıch, Roman Potapov jáne Andreı Afanasev baq synady.
Saıys barysynda Roman Potapov jarysty úshinshi bolyp aıaqtady. Kórsetkishi - 1.10.25.
Qazirgi deıin para oıyndarda qazaqstandyq sportshylar jalpykomandalyq esepte segiz medal aldy. Onyń ishinde 2-i altyn, 2-i kúmis,4-i qola.
Bıyl para oıyndarda elimizdiń atynan sporttyń 14 túri boıynsha 131 sportshy qatysady. Bul - Qazaqstannyń Azııa paraoıyndary tarıhyndaǵy qatysýshylar sany boıynsha jańa rekord.
Budan burynǵy Azııa para oıyndarynda Qazaqstannan 9 sport túrinen 91 sportshy qatysyp, 33 júldege qol jetkizgen bolatyn.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.