Azııa para oıyndary: Qazaqstan qorjynyna taǵy úsh medal tústi

<p>Qytaıdyń Hanjchoý qalasynda ótip jatqan Azııa para oıyndarynda dzıýdoshylar Dınara Kýdjýlova men Baýyrjan Arystanbekov qola júldege ıe boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Dınara Kýdjýlova paradzıýdodan J1 sanaty boıynsha 70 kelige deıingi salmaqta úzdik úshtikke ilikti.

Dınara qola júlde úshin básekede ózbekstandyq Mýharramkon Abdýlsamatovany 11:0 esebimen tize búktirdi.

Foto: Týrızm jáne sport mınıstrligi

Baýyrjan J1 sanaty boıynsha 90 kelige deıingi salmaqta ındonezııalyq Fadjar Pambýdıden basym túsip, taǵy bir qolany qorjynǵa saldy. 

Sonymen qatar otandasymyz Daıana Fedosova J2 sanaty boıynsha 57 kelige deıingi salmaqta úshinshi orynǵa kóterildi.

Eske sala keteıik, budan buryn parasportshy Aqmaral Naýatbektiń Azıada chempıony atanǵanyn jazǵan bolatynbyz.

Sondaı-aq Davıd Degtıarev Qazaqstan qorjynyna taǵy bir altyndy saldy.