Azııa para oıyndary: Hanchjoýda Qazaqstan Týy kóterildi

<p>Búgin, 21 qazanda Hanchjoýdaǵy para atletıkalyq aýylda Qazaqstannyń memlekettik Týyn saltanatty túrde kóterý rásimi ótti. Osylaısha, búginnen bastap Qazaqstan quramasy resmı túrde IV Azııa para oıyndarynyń saıystaryna qatysýǵa múmkindik aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Týrızm jáne sport mınıstrliginiń baspasóz qyzmetine silteme jasap. &nbsp;&nbsp;</p>

Іs-sharaǵa Qazaqstan quramasynyń sportshylary men sport salasynyń mamandary qatysty.

«Qazaqstan quramasy Azııa oıyndaryna aman-esen jetti. Bizdiń sportshylar klassıfıkatsııadan sátti ótip, ózderiniń sport klasyn rastady. Sportshylardyń klasy paralımpıadalyq sportta sheshýshi ról atqarady, bul barlyq qatysýshylar úshin ádil jarystardy qamtamasyz etedi. Endi bizdiń aldymyzda qundy medaldar úshin qarqyndy kúres tur. Qarsylastarymyz osal emes. Osy Hanchjoý-2022 para oıyndaryna elimizdiń tarapynan sporttyń 14 túri boıynsha 131 sportshy qatysady. Bul Qazaqstannyń Azııa para oıyndary tarıhyndaǵy qatysýshylar sany boıynsha jańa rekord. Aldyńǵy oıyndarǵa Qazaqstannan 9 sport túrinen 91 sportshy qatysyp, 33 júldege qol jetkizgen bolatyn. Bıyl odan da kóp medal ákelemiz dep úmittenemiz»,- dedi Ulttyq Paralımpıada komıtetiniń bas hatshysy Erlan Súleımenov.

Qazaqstan Týyn kóterý rásimine qatysqan para paýerlıftıgten Tokıo-2020 Paralımpıada oıyndarynyń jeńimpazy, álem jáne Azııa chempıony Davıd Degtıarev saltanatty is-sharadan alǵan áserimen bólisti. 

Foto: Týrızm jáne sport mınıstrligi

«Búgin Hanchjoýda elimizdiń Týy kóterildi. Ózge elde Qazaqstannyń Týy jelbirep turǵany árdaıym qýantady. Elimizdiń kók baıraǵyn osylaı bıikten jelbiretýge bar kúshimizdi salamyz», - dedi ol.

Aıta ketsek, IV Azııa para oıyndary 22-28 qazan aralyǵynda Hanchjoý (QHR) qalasynda ótedi. Jarysqa 22 sport túrinen 43 memleketten 4000-ǵa jýyq sportshy qatysady. 

Foto: Týrızm jáne sport mınıstrligi