Azııa pandemııaǵa qaramastan damýdyń oń qarqynyn saqtap qaldy – Sergeı Lavrov

NUR-SULTAN. QazAqparat – Azııa pandemııaǵa qaramastan damýdyń oń qarqynyn saqtap qaldy. Bul týraly Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýinde Reseı Syrtqy ister mınıstri Sergeı Lavrov aıtty, dep habarlaıdy QazAqparat tilshisi.

«Eki jylǵa jýyq ýaqyt boıy kúresip kele jatqan koronavırýstyń talqandaǵyshtyǵyna ári ymyrasyzdyǵyna qaramastan, Azııa damýdyń oń qarqynyn saqtap qala aldy», - dep atap ótti Reseı Syrtqy ister mınıstri.

Onyń aıtýynsha, Azııanyń ortaq daǵdarysqa qarsy áleýeti men ujymdyq sheshimderdi izdeýge degen birlesken umtylysy aýqymdy syn-tegeýringe tótep berýge jáne olardyń saldaryn eńserýge múmkindik berdi.

«Ókinishke oraı óńirdegi geosaıası ahýal kúrdelene túsip, onyń jalpy qamtymdy, kópjaqty kooperatsııa jáne ıntegratsııa koordınatsııasy júıesine etýin tejep otyr. Ahýaldy maqsatty túrde qozdyrýǵa, memleketaralyq ózara is-qımyldyń qoldanystaǵy tetikterin shatqaıaqtatýǵa tyrysýshylyqty da kórip otyrmyz. Oǵan qyrǵı-qabaq soǵys jáne tejeý saıasaty logıkasymen qurylatyn eksklıýzıvti quramdar men áskerı bloktardyń shaǵyn formatty qurylymy da óz úlesin qosady», - dedi Sergeı Lavrov.