Azııa oıyndarynyń ashylý saltanatynda Qazaqstan týyn Nurlan Myrzabaev alyp shyqty
08:30, 18 Qyrkúıek 2017
ASTANA. QazAqparat - Túrikmenstan astanasy Ashhabad qalasynda jaýyngerlik óner túrleri boıynsha jabyq ǵımaratta ótetin V Azııa oıyndarynyń ashylý saltanatynda Qazaqstan týyn taekvondoshy Nurlan Myrzabaev alyp shyqty, dep habarlaıdy QazAqparat tilshisi.
Sonymen qatar delegatsııany Sport komıtetiniń basshysy Elsııar Qanaǵatov bastap júrdi.
Atalǵan dodanyń resmı ashylý saltanaty 45 myń adamǵa arnalǵan ortalyq stadıonda ótti. Oǵan QR Prezıdenti Nursultan Nazarbaev arnaıy baryp qatysty.
Sondaı-aq, Elbasy qazaqstandyq sportshylarmen kezdesip, olarǵa sáttilik tiledi.
Jalpy, Ashhabad qalasynda jabyq keshendegi Azııa oıyndarynda Qazaqstan namysyn 16 sport túri boıynsha 181 sportshy qorǵaıdy.