Azııa oıyndarynda shahmattan baq synaıtyn qazaqstandyq sportshylar anyqtaldy

Qytaıdyń Hanchjoý qalasynda ótetin HІH jazǵy Azııa oıyndarynda shahmattan el namysyn qorǵaıtyn ulttyq qurama músheleri anyqtaldy, dep habarlaıdy QazAqparat tilshisi.

Dúbirli doda 23 qyrkúıek pen 8 qazan aralyǵynda ótkiziledi. El quramasy sapyndaǵy 10 sportshy jekeleı synda rapıd, komandalyqta klassıkalyq shahmattan synǵa túsedi.

Jekeleı synda erler arasynda Rınat Jumabaev pen Qazybek Nógerbek synǵa tússe, áıelder arasynda Jansaıa Ábdimálik pen Bıbisara Asaýbaeva júldeni sarapqa salady.

Komandalyq básekede Əlisher Súleımenov, Ramazan Jalmahanov, Aldııar Ańsat, Rınat Jumabaev pen Qazybek Nógerbek qarsylastarymen sheberlik baıqasady.

Sondaı-aq áıelder arasynda Dınara Sádýaqasova, Merýert Kamalıdenova, Alýa Nurmanova, Bıbisara Asaýbaeva men Jansaıa Ábdimálik sheberlik baıqasady.

Azııa oıyndary baǵdarlamasyna alǵash ret shahmat 2006 jyly Katar astanasy Dohada bedeldi básekede engizilgen. Sol joly blıts túrinen Murtas Qajyǵalıev chempıon atandy.

Eske salsaq, Azııa oıyndarynda sý dobynan QR erler quramasynyń qarsylastary anyqtaldy.