Azııa oıyndarynda Qazaqstan qorjynyna 17-shi qola medal tústi

ASTANA. QazAqparat - Qazaqstandyq taekvondoshy Erasyl Qaıyrbek 2018 jylǵy Azııa oıyndarynda qola medal aldy, dep habarlaıdy «SPORTINFORM» SAA Qazaqstan Ulttyq Olımpıadalyq komıtetine silteme jasap.

Ol 68 kılogramǵa deıingi salmaq sanatynda óner kórsetti. Jartylaı fınalda Ońtústik Koreıa sportshysy Dahýn Lımen kezdesip, oǵan 10:32 esebimen jol berdi. Fınal joldamasyn jeńe almasa da, qurama qorjynyna bir qola medal saldy.

Qazaqstan enshisindegi 25 medaldyń 17-si qola medal bolyp tur. Qola medaldar sany jaǵynan Japonııa (29) birinshi, Koreıa (27) ekinshi orynda tur. Al jalpykomandalyq eseptiń kósh basynda turǵan qytaılyqtar 16 qolamen tórtinshi orynǵa syrǵydy.