Azııa oıyndaryna Túrkistan oblysynan 52 sportshy qatysady

TÚRKІSTAN. QazAqparat - 18 tamyz - 2 qyrkúıek aralyǵynda Indonezııada XVIII jazǵy Azııa oıyndary ótedi. Dúbirli básekege Qazaqstannan 400-den astam sportshy qatysady. Al, Túrkistan oblysynan 52 sportshy baq synaıdy, dep habarlaıdy QazAqparat oblys ákiminiń baspasóz qyzmetine silteme jasap.

Jalpy, Azııa oıyndarynan Túrkistan oblysy men Shymkent qalasynyń sportshylary altyn medalsiz qaıtqan emes. Tıisinshe, ortaq jeńiske qomaqty úles qosyp keledi. Máselen, 2014 jylǵy Inchhondaǵy Azııa oıyndarynda ońtústik órenderi 5 altyn, 6 kúmis jáne 17 qola medal oljalady. Bıyl da sol bıiktikten túspeý mindeti tur. 

Indonezııa tórinde Qaırat Eralıev pen Bekdáýlet Ibragımovten (ekeýi de boks), Tımýr Haıdarov, Tımofeı Emelıanov, Sergeı Emelıanov, Evgenıı Alekseev (baıdarka jáne kanoede esý), Otgontsetseg Galbadrah (dzıýdo) syndy sportshylardan el altyn júlde kútedi. Sondaı-aq, oq atý jáne stend atý sheberleri men taekvondo, karate sportynyń ókilderi de qorjynǵa júlde salady degen senim bar.