Azııa oıyndaryna baratyn boksshylar anyqtaldy

ASTANA. QazAqparat - Bıylǵy Azııa oıyndary Indonezııanyń Djakarta qalasynda, 18 tamyz ben 2 qyrkúıek aralyǵynda ótedi, dep habarlaıdy QazAqparat tilshisi Qazaqstannyń boks federatsııasyna silteme jasap. 

Atalǵan sport dodasynda  49 kelide - Temirtas Júsipov, 52 kelide - Azat Mahmetov, 56 kelide - Qaırat Eralıev, 60 kelide - Samatáli Toltaev, 64 kelide - Bekdáýlet Ibragımov, 69 kelide - Aslanbek Shymbergenov, al 74 kelide Ábilhan Amankul el namysyn qorǵaıtyn bolady. Aıta ketken jón, bıylǵy Azııa oıyndaryna 81, 91 jáne 91 keliden joǵary boksshylar qatyspaıdy.

«Osy jolǵy boksshylar quramasyn bapkerler keńesi bekitti. Sportshylardy irikteý kezinde QR Prezıdenti kýbogy jáne basqa da týrnırlerdiń nátıjesi eskerildi. Sondyqtan Azııa oıyndaryna eń myqty boksshylar barady. Ókinishke qaraı, birneshe salmaq dárejesin qysqartty. Áıtpese, dál sol salmaqtarda, kem degende eki medal alatyn edik. Degenmen, osy boksshylarmen biz 4-5 medaldy, sonyń ishinde eki altyndy alyp kelýge tıispiz», - deıdi bas bapker Myrzaǵalı Aıtjanov.