Azııa oıyndarynyń jabylý saltanaty ótti
Dúbirli dodada Azııa Olımpıada keńesi (AOK) quramyndaǵy 45 elden 12 500-den astam sportshy kelgenin atap ótti. Bul - rekordtyq kórsetkish. 2018 jyly Indonezııada ótken Azıadada 11 300 adam tirkelip, jańa rekordtyq kórsetkish ornaǵan edi.
Hanchjoýdaǵy Azııa oıyndary 1990 jylǵy Beıjiń men 2010 jylǵy Gýanchjoýdan keıingi Qytaıda ótken úshinshi Azııa oıyndary retinde erekshelendi.
Bıyl elimizdiń atynan Hanchjoý qalasynda 30 sport túrinen 524 qazaqstandyq sańlaq baq synady.
Otandyq sportshylar qorjynynda 80 medal (10 altyn, 22 kúmis, 48 qola) jınaldy. Osylaısha, qorytyndy medaldyq esepte Qazaqstan 11-shi orynǵa jaıǵasty.
Qazaqstandyq sportshylar bıyl segizinshi márte Azııa oıyndaryna qatysyp otyr. Buǵan deıin jalpy komandalyq esepte 1994 jyly - 4 (77 medal: 25 altyn, 26 kúmis, 26 qola), 1998 jyly - 5 (78 medal: 24 altyn, 24 kúmis, 30 qola), 2002 jyly - 4 (76 medal: 20 altyn, 26 kúmis, 30 qola), 2006 jyly - 4 (85 medal: 23 altyn, 20 kúmis, 42 qola), 2010 jyly - 5 (79 medal: 18 altyn, 23 kúmis, 38 qola), 2014 jyly - 4 (84 medal: 28 altyn, 23 kúmis, 33 qola), 2018 jyly - 9-ynshy (76 medal: 15 altyn, 17 kúmis, 44 qola) oryn aldy.
Al tórt sportshymyz 2024 jylǵy Parıj Olımpıadasyna joldamaǵa qol jetkizdi. Olardyń qatarynda bessaıystan Elena Potapenko men Georgıı Boroda-Dýdochkın, boksshylar Qamshybek Qońqabaev pen Karına Ibragımova bar.
Endi Azııa oıyndary 2026 jyly 19 qyrkúıek pen 4 qazan aralyǵynda Japonııanyń Nagoıa qalasynda ótkiziledi.