Azııa oıyndarynyń eki dúrkin júldegeri Marııa Brovkova: Aldaǵy maqsatym – olımpıada joldamasyna qol jetkizý

<p>Qytaıdyń Hanjchoý qalasynda ótip jatqan Azııa oıyndarynyń eki dúrkin júldegeri Marııa Brovkova jarys nátıjesi týraly óziniń pikirin bildirdi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Batys Qazaqstan oblysynyń ókili, 18 jastaǵy M.Brovkova 2 qazan kúni otandasy Rýfına Iskakovamen birge 500 metr qashyqtyqta kúmis júldeger atansa, búgin 200 metrden bir adamdyq kanoeda márege úshinshi bolyp jetti.

Qazaqstandyq eskekshi básekeniń qıynǵa túskenin, qarsylastarynyń osal emestigin jetkizdi.

«Keshe kún jeldi bolyp, ol da júzýge qıyndyq keltirdi. Biraq barynsha sátti óner kórsete bildik. Qarsylastaryma toqtalsam, búgin qytaılyq eskekshi myqty boldy. Olımpıada lıtsenzııasyn alyp úlgergen taılandtyq sportshy da eshkimnen kem túspeıdi. Eń bastysy, basynda jedel qımyldap, qalyp qoımaýǵa tyrysý kerek. Aldaǵy jyly sáýir aıynda lıtsenzııalyq Azııa chempıonaty ótedi. Mine, sonda Parıj olımpıadasynyń joldamasyna qol jetkizý úshin barymdy salamyn. Endi soǵan daıyndalamyn. Maǵan jankúıer bolǵan qazaqstandyq jankúıerlerdiń bárine, otbasyma, dostaryma, bapkerlerime alǵysymdy aıtamyn», dedi Marııa Brovkova.

Eske sala keteıik, budan buryn Qazaqstan qorjynyna tórtinshi altyn medal túskenin jazǵan bolatynbyz.

Sondaı-aq Marııa Brovkova Azııa oıyndarynyń qola júldegeri atandy.

Aǵaıyndy Emelıanovtar Azııa oıyndarynyń kúmis júldegeri atandy.

Qazaqstan qorjynyna taǵy bir kúmis medal tústi.

Alekseı Lýtsenko Qazaqstan qorjynyna besinshi altyn medaldi saldy.