Azııa oıyndarynda kıbersporttan alǵashqy medaldar jınaǵy oınalady

<p>Seısenbi, 26 qyrkúıek kúni Qytaıdyń Hanchjoý qalasynda ótip jatqan HІH Azııa oıyndarynda kıbersporttan alǵashqy medaldar jınaǵy oınalady, dep habarlaıdy QazAqparat tilshisi.</p>

Oıyndardy uıymdastyrý komıtetiniń málimeti boıynsha, Qytaıdyń Hangzhou Esports ortalyǵynda 30 Ulttyq Olımpıada komıtetinen barlyǵy 476 sportshy júldeli oryndardy sarapqa salady.

Kıbersport 19-shy Azııa oıyndarynda resmı jarys retinde debıýt jasady, onda jeti oıyn túri boıynsha jeti altyn medal beriledi: Arena of Valor Asian Games Version, DOTA 2, Dream Three Kingdoms 2, League of Legends, Peace Elite Azııa oıyndarynyń nusqasy, Street Fighter V: Champion Edition jáne EA Sports FC Online.

Esterińizge sala keteıik, kıbersport 2018 jyly Indonezııada ótken XVIII Azııa oıyndarynda demonstratsııalyq sport túri boldy.

Sporttyń bul túri 2026 jyly Aıchı/Nagoıada (Japonııa) ótetin 20-shy Azııa oıyndarynyń baǵdarlamasyna da engizilgen.