Azııa oıyndaryna qatysýshylardyń alǵashqy legi elge oraldy
07:21, 27 Qyrkúıek 2023
<p>Almaty halyqaralyq áýejaıyna Hanchjoýdaǵy jazǵy Azııa oıyndaryna qatysqan 50-den astam sportshy ushyp keldi. QazAqparat bul týraly Týrızm jáne sport mınıstrligine silteme jasap habarlaıdy.</p>
Qazaqstandyqtar olardy sán-saltanatpen qarsy aldy. Sportshylardyń arasynda Azııa oıyndarynda bessaıystan alǵash ret Olımpıada lıtsenzııasyn jeńip alǵan Elena Potapenko men Georgıı Boroda-Dýdochkın bar.
Eske salaıyq, 23 qyrkúıekte bastalǵan dodaǵa sporttyń 30 túrinen 524 otandasymyz (262 er, 262 áıel) baq synap jatyr.
XIX jazǵy Azııa oıyndarynyń saltanatty ashylý rásiminde elimiz Týyn bokstan ulttyq qurama kapıtany Aslanbek Shymbergenov pen bıiktikke sekirýden kóshbasshymyz Nadejda Dýbovıtskaıa ustap shyqty.
Qazaqstan qorjynynda ázirge 9 medal bar: 2 kúmis, 7 qola júlde aldy.
Hanchjoýdaǵy jazǵy oıyndar 8 qazanǵa deıin jalǵasady.