Azııa oıyndaryna qatysqan úsh qandasymyz da júlde aldy - sheteldegi qazaq baspasózi
Azııa oıyndaryna qatysqan úsh qandasymyz da júldeli orynǵa ıe boldy - CNR
Osy jolǵy Qytaıdyń Hanchjoý qalasynda ótken Azııa oıyndaryna qatysqan shyńjańdyq 4 qazaq sportshynyń úsheýi júldeli oryndarǵa qol jetkizdi.
Atap aıtqanda 5 qazan kúni keshke Qytaıdyń Hanchjoý qalasynda ótken erler boksynyń 80 keli salmaq dárejesindegilerdiń aqtyq saıysynda qytaılyq qandasymyz Toqtarbek Tańatqanuly Fılıppın boksshysyn qapy qaldyryp, óz salmaq dárejesiniń altyn medalin jeńip aldy, - dep habarlaıdy Qytaıdyń «Ortalyq halyq radıosy» aqparattyq portaly.
«Ol Qytaı boks komandasyndaǵy shyńjańdyq sportshylardyń Azııa oıyndary jarysyndaǵy eń jaqsy nátıjesine qol jetkizdi», dep jazady CNR.
Qytaılyq derekkózdiń málimetinshe, sonymen qatar osy jolǵy Azııa oıyndarynda erler arasyndaǵy boksta 92 keli salmaq dárejesinde qytaılyq Baıqonys Danabekuly qola medaldy enshilegen.
Sondaı-aq, Kabıran Abýshaımanuly atty balýanda úzdikter qatarynan kórinip, Azııa oıyndarynda qola medaldi jeńip alǵan.
7 qazan kúni erler 97 keli salmaqtaǵy erkin kúresten qola medalǵa talasqan. Qytaı sportshysy Kabıran Abýshaımanuly qarsylasy Ońtústik Koreıalyq sheberdi eki maıdanda da jeke-jeke bir nómirden utyp, 2:1 esebimen qola medalǵa ıe boldy.
Tashkentte «Alashtyń asyl arystary» atty halyqaralyq kórme ashyldy - «ÓzA»
2023 jyl 4 qazan kúni Tashkent qalasyndaǵy Qýǵyn-súrgin qurbandaryn eske alý memlekettik mýzeıinde «Alashtyń asyl arystary» atty halyqaralyq kórme ashyldy.
Ataýly kórmeni Qazaqstan Respýblıkasy Mádenıet jáne aqparat mınıstrligi Mádenıet komıtetiniń Qazaqstan Respýblıkasy Memlekettik ortalyq mýzeıi jáne Ózbekstan Respýblıkasy Mınıstrler kabıneti janyndaǵy Qýǵyn-súrgin qurbandaryn eske alý memlekettik mýzeıi birlesip ótkizgen, dep habarlaıdy «ÓzA» aqparattyq agenttigi.
Atalǵan BAQ-tyń málimetinshe, oǵan aǵartýshy-ǵalym, dáriger, Qazaqstandaǵy densaýlyq saqtaý júıesin, joǵary bilim berýdi jáne baspa isin alǵash uıymdastyrýshylardyń biri Halel Dosmuhamedovtyń 140 jyldyǵy men aqyn, dramatýrg, aýdarmashy, pedagog Maǵjan Jumabaevtyń 130 jyldyǵyna oraı «Alashtyń asyl arystary» halyqaralyq kórmesin uıymdastyrǵan.
Kórmeniń maqsaty Alash qaıratkerleriniń ónegege toly ómir joldaryn nasıhattaý, eki el arasyndaǵy halyqaralyq yntymaqtastyq pen mádenı baılanysty nyǵaıtý jáne mýzeı mamandarynyń tájirıbe almasýyna jol ashý.
Aıta keteıik, bul kórmege qazaqtyń birtýar azamattary Halel Dosmuhamedov pen Maǵjan Jumabaevtyń ómir jolynan syr sherter arhıvtik qujattarmen qatar uly tulǵalardyń ustap-tutynǵan jeke zattary, kitaptary qoıylǵan. Sonymen birge Alashorda qaıratkerleri Ahmet Baıtursynov, Álıhan Bókeıhanov, Mirjaqyp Dýlatuly, Muhamedjan Tynyshpaev, Mustafa Shoqaı, Sáken Seıfýllınniń jeke keshenderi negizinde 50 saqtam birlik mýzeılik zattar men qatar aqparattyq stendiler kórmege kelýshilerge usynylǵan.
Halyqaralyq kórmeni 2023 jyldyń 4-11 qazan kúnderi aralyǵynda Tashkent qalasyndaǵy Qýǵyn-súrgin qurbandaryn eske alý memlekettik mýzeıine baryp tamashalaýǵa bolady.
Sondaı-aq, osy aptada «ÓzA» aqparat agenttiginde «Ózbekstannan tájirıbesi negizinde Qazaqstanda pillá sharýashylyǵy damytylmaq» degen taqyryptaǵy aqparat jaryq kórdi.
Ózbekstandyq BAQ-tyń málimetinshe, «Ýzbekıpaksanoat» birlestiginiń tóraǵasy O.Jýmaev bastaǵan delegatsııa músheleri Qazaqstan Respýblıkasy Túrkistan oblysy ákiminiń shaqyrýymen osy óńirge barǵan.
Sapar barysynda delegatsııa músheleri Túrkistan oblysynyń ákimi D.Satybaldymen kezdesip, yntymaqtastyq qarym-qatynas ornatý máselelerin talqylaǵany týraly jazady «ÓzA».
Kezdesýde Túrkistan oblysynda pillá sharýashylyǵyn keshendi damytý boıynsha óńirlik baǵdarlama men quqyqtyq qujat jobasyn (Úkimettiń qaýlysy deńgeıinde) ázirleýde Ózbekstan tarapynan usynystar men praktıkalyq kómek kórsetilýi belgilendi .
Sondaı-aq jibek qurtynyń azyq bazasyn damytý úshin Ózbekstannan joǵary sapaly tut kóshetterin jetkizý jáne Ózbekstannan jibek ósirý, tut ósirý, pillá ósirý jáne pillá óńdeý salalaryna tájirıbeli mamandardy tartýǵa kelisilgen.
3000 shaqyrymdy jaıaý júrip Beıjińge bardy - CNR
Osy aptada «Ortalyq halyq radıosy» aqparattyq portalynda Qytaıdyń Shyńjań ólkesinen Beıjińge jaıaý barǵan Serik Qarıuly esimdi qazaq azamaty týraly aqparat jaryq kórdi.
Atalǵan BAQ-tyń málimetinshe, Serik Qarıuly atty 2023 jyly 1 tamyz kúni Shyńjańnyń Barkól qazaq avtonomıaly aýdanynan jaıaý jolǵa shyǵyp, eki aıdaı ýaqytta Qytaı astanasy Beıjińge jetken.
Seriktiń bul jolǵy jaıaý júrip ótken joly 3000 shaqyrymdy quraıdy.
«S. Qarıuly 1 qazan kúni Beıjiń qalasyndaǵy Tıananmen alańyndaǵy tý shyǵarý saltanatyna qatynasyp, bala kúngi óz armanyn oryndaǵan», dep jazady qytaılyq basylym.
Aıta keteıik, Serik Qarıuly 1995 jyly Barkól qazaq avtonomıaly aýdanynda dúnıege kelgen. Ol 2017 jyldan beri jeke kásipkerlikpen aınalysady.
Óz kásibiniń sheberi – Arnur Melsqyzy - Janadauir.com
Qazirgideı jahandanǵan, básekelestik kóp ortada óziniń qoǵamdaǵy ornyn aıshyqtap, jaqsy tirshilik etip otyrǵan jandar kóp. Sonyń ishinde óziniń adal eńbegimen otbasyn asyrap otyrý – úlken jetistik. Solardyń biri – Melsqyzy Arnur. Ol aımaǵymyz ortalyǵyndaǵy «Panda» shashtarazynyń qojaıyny. Osy kásippen aınalysqanyna 10 jyldan astam ýaqyt bolǵan. Endi nazarlaryńyzǵa Arnur hanymmen ótkizilgen suhbatty usynamyz, dep jazady mońǵolııalyq Janadauir.com saıty.
Atalǵan basylym zaman kóshinen óz jolyn tapqan Arnur Melsqyzynan alǵan suhbatyn jarııalaǵan. Jas kásipker tilshi suraǵyna oraı óziniń jetken jetistikterin aıtyp bergen.
Qazaq jazýshysynyń túrik tiline aýdarylǵan kitaby tanystyryldy – «TRT»
Qazaqstannyń Túrkııadaǵy elshiligi jáne Eýrazııa Jazýshylar odaǵymen birlese otyryp belgili qazaq jazýshysy Rahmetolla Raıymqulovtyń týǵanyna 110 jyl tolýyna arnalǵan konferentsııa jáne túrik tiline aýdarylǵan «Jasyl beles» kitabynyń tusaýkeseri uıymdastyryldy.
Túrik mádenıetiniń halyqaralyq uıymy Túriksoıdyń Ankaradaǵy shtab-páterinde Rahmetolla Raıymqulovtyń túrik tiline aýdarylǵan kitaby tanystyryldy.
Bul týraly Túrkııa Radıo Televızııa portaly habarlady.
Sharaǵa qatysqan Túriksoı Bas hatshynyń orynbasary Saııt ıÝsýftyń aıtýynsha, bıyl Túriksoı 30 jyldyq mereıtoıyn toılap jatyr. Atalǵan uıym 30 jyl boıy mádenıetti barynsha nasıhattaýǵa atsalysyp keledi, bul úrdis aldaǵy ýaqytta da jalǵasatyn bolady. Árıne, bul isterdi jalǵyz emes, Túrik áleminiń qundy tulǵalarymen, Túrkııadaǵy úkimettik emes uıymdarmen, ǵalymdarmen jáne basqa da baýyrlas uıymdarmen birlese otyryp júrgiziledi.
Basqosýda Qazaqstan elshiliginiń birinshi hatshysy, konsýl Nyshangúl Qarataeva sózinde qazaq jazýshy Rahmetolla Raıymqulovtyń mańyzdy shyǵarmalary men onyń atqarǵan jumystaryna toqtalǵan.
Kitap tanystyrýyna arnaıy barǵan «Qazaqkontsert» basshysy Aqtoty Raıymqulova ákesi Rahmetolla Raıymqulovtyń 110 jyldyǵyna oraı ótkizilgen konferentsııaǵa jáne túrik tiline aýdarylǵan «Jasyl beles» kitabynyń tusaýkeserine rızashylyǵyn bildirgen.
«Quttyqtaý sózderden keıin «Jasyl beles» kitabynyń lentasy qıylyp, artynan qatysýshylar qazaqstandyq tanymal «TURAN» etno-folklorlyq mýzykalyq tobynyń shaǵyn kontsertin tyńdady», dep túıindeıdi túrkııalyq BAQ.