Azııa oıyndary: Voleıboldan QR áıelder quramasy ekinshi márte jeńiske jetti

<p>Qytaıdyń Hanchjoý qalasynda ótip jatqan XIX jazǵy Azııa oıyndarynda voleıboldan Qazaqstan áıelder quramasy ekinshi kezdesýinde Gonkongten basym tústi, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></p>

Qazaqstandyq voleıbolshylar D tobynda synǵa túsip jatyr. Qarsylastary – Japonııa, Aýǵanstan, Gonkong.

Búgingi kezdesýde el quramasy Gonkongti 3:0 (25:13, 25:12, 25:15) esebimen jeńdi.

Budan buryn Aýǵanstannan 3:0 (25:4, 25:5, 25:3) esebimen basym túsken edi.

Endi olar 2 qazanda Japonııamen sheberlik baıqasady.

Aıta keteıik, toptyq kezeńde alǵashqy eki oryn alǵan quramalar jarystyń kelesi satysyna joldama alady.

Qazirge deıin el quramasy 2010 jylǵy Azııa oıyndarynda qola júldeger atanǵan edi.

Azııa oıyndarynda voleıboldan áıelder arasyndaǵy saıys 16-márte ótkizip jatyr. Qazirge deıin Qytaı – segiz. Japonııa men Ońtústik Koreıa – eki márteden chempıon atanyp úlgerdi.

Eske salsaq, búgin Azııa oıyndarynda sý dobynan Qazaqstan áıelder quramasy qola júldeger atandy.