Azııa oıyndary: Velotrekten Qazaqstan quramasy qorjynyna qola medal tústi

<p>Qytaıdyń Hanchjoý qalasynda ótip jatqan Azııa oıyndarynda velotrekten Qazaqstan quramasy qorjynyna qola medal tústi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

El quramasy sapynan Medıson baǵdarlamasynyń fınalynda jarys jolyna shyqqan Artem Zaharov pen Ramıs Dinmuhametov juby 37 upaı jınady. Olar tek Japonııa men Ońtústik Koreıa veloshabandozdarynan qalyp ketti.

Bul baǵdarlamada sportshylar 200 aınalym jasady. Jalpy uzyndyǵy - 50 shaqyrym.
Qazir el quramasy enshisinde birqatar sport túrlerinen 26 medal (3 altyn, 4 kúmis, 19 qola) bar. Medaldar kestesinde 11-orynda tur.

Eske salsaq, Azııa oıyndarynda sý dobynan Qazaqstan áıelder quramasy Taılandty jeńdi.

Sondaı-aq, Qazaqstan áıelder quramasy kógaldaǵy hokkeıden alǵashqy jeńisine qol jetkizdi.