Qytaıdyń Hanchjoý qalasynda ótip jatqan Azııa oıyndarynda velotrekten Qazaqstan quramasy qorjynyna qola medal tústi, dep habarlaıdy QazAqparat tilshisi.
El quramasy sapynan Medıson baǵdarlamasynyń fınalynda jarys jolyna shyqqan Artem Zaharov pen Ramıs Dinmuhametov juby 37 upaı jınady. Olar tek Japonııa men Ońtústik Koreıa veloshabandozdarynan qalyp ketti.
Bul baǵdarlamada sportshylar 200 aınalym jasady. Jalpy uzyndyǵy - 50 shaqyrym.
Qazir el quramasy enshisinde birqatar sport túrlerinen 26 medal (3 altyn, 4 kúmis, 19 qola) bar. Medaldar kestesinde 11-orynda tur.
Eske salsaq, Azııa oıyndarynda sý dobynan Qazaqstan áıelder quramasy Taılandty jeńdi.
Sondaı-aq, Qazaqstan áıelder quramasy kógaldaǵy hokkeıden alǵashqy jeńisine qol jetkizdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.