Qytaıdyń Hanchjoý qalasynda ótip jatqan Azııa oıyndarynda slalomda eskek esýden Aleksandr Kýlıkov pen Ekaterına Tarantseva fınalda synǵa túsedi, dep habarlaıdy QazAqparat tilshisi.
Slalomda eskek esýden jartylaı fınal máresine jetti. Ulttyq qurama sapynan jekeleı synda Aleksandr Kýlıkov pen Ekaterına Tarantseva aqtyq synǵa shyqty.
Jartylaı fınalda Aleksandr 102.79 upaı jınap, óz tobynda 5-shi; al Ekaterına Tarantseva (116.76 ball) jınap, óz tobynda 3-oryn aldy.
Aıta ketsek, Ekaterına 2022 jyly Azııa chempıonatynda top jarǵan.
Al Aleksandr 2018 jyly Indonezııa astanasy Djakarta qalasynda ótken Azııa oıyndarynda qola júldege ıe bolǵan.
Eske salsaq, budan buryn áıelder kúresinen Jámıla Baqbergenova (76 keli) fınalǵa shyqty.
Al djıý-djıtsýdan Galına Dývanova fınalda oıyn kórsetedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.