Qytaıdyń Hanchjoý qalasynda ótip jatqan Azııa oıyndarynda slalomda eskek esýden qazaqstandyq Anastasııa Ananeva kúmis medal aldy, dep habarlaıdy QazAqparat tilshisi.
Qazaqstandyq sportshynyń kórsetkishi - 119.29 (117.29 taza ýaqyt boıynsha 2 aıyp sekýndtary). Nátıjesinde ekinshi orynǵa qol jetkizdi.
Jarysta birinshi oryndy qytaılyq Tszıýan Hýan (107.71) ıelense, «qola» japonııalyq Harýkı Okadzakıge (119.59). buıyrdy.
19-jastaǵy Anastasııa Ananeva 2022 jyly Taılandtyń Pattaııa qalasynda ótken Azııa chempıonatynda qola júldeger atanǵan.
Aıta ketsek, slalomda eskek esýden el quramasy qorjynyna eki qola medal túsken edi.
Medaldar kestesinde el quramasy qazirge deıin 69 medal enshilep úlgerdi. Olardyń 9-y altyn, 19-y kúmis jáne 41-i qola.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.