Azııa oıyndary: Shahmattan elimizdiń atynan 10 sportshy baq synaıdy

<p>Qytaıda búgin jalaýyn kóteretin XIX Jazǵy Azııa oıyndarynda elimizdiń atynan shahmattan 10 sportshy baq synaıdy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Dúbirli dodada qazaqstandyq Rınat Jumabaev, Álisher Súleımenov, Qazybek Nógerbek, Aldııar Ańsat, Ramazan Jalmahanov, Bıbisara Asaýbaeva, Jansaıa Ábdimálik, Dınara Sádýaqasova, Merýert Kamalıdenova jáne Alýa Nurmanova saıysqa túsedi.

Aıtýly shara barysynda olar komandalyq jarysta klassıkalyq shahmat, jeke esepte rapıd boıynsha baq synaıdy. Jeke birinshilikte erler arasynda Rınat Jumabaev pen Qazybek Nógerbek, áıelder arasynda Bıbisara Asaýbaeva men Jansaıa Ábdimálik júldelerdi sarapqa salady.

«Biz Azıadaǵa óte myqty quramdy alyp baramyz. Olardyń jetistigine senimdimiz. Aıta ketsek, Qazaqstan buǵan deıin shahmattan 2006 jyly Murtas Qajyǵaleev Katar astanasy Dohada ótken Azııa oıyndarynyń chempıony atandy. Bul joly jaqsy nátıjege jetenimizge senemiz. Bizdiń shahmatshylarymyz tamasha formada, olarǵa sáttilik pen úlken jeńister tileımiz. Biz óz komandamyzdy qoldaımyz», – deıdi Qazaqstan shahmat federatsııasynyń atqarýshy dırektory Gúlmıra Dáýletova.

Jazǵy Azııa oıyndarynyń resmı ashylý saltanaty búgin, 23 qyrkúıekte Chjetszıan provıntsııasynyń Hanchjoý qalasynda ótedi. Jarys 8 qazanǵa deıin jalǵasady.