Azııa oıyndary: Mahmýd Sabyrhan alǵashqy qarsylasyn aıqyn basymdylyqpen utty

<p>Qytaıdyń Hanchjoý qalasynda ótip jatqan Azııa oıyndarynda álem chempıony Mahmýd Sabyrhan kelesi kezeńge ótti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qazaqstandyq boksshy 57 kelige deıingi salmaqta 1/16 fınalda ońtústikkoreıalyq Ichan Lımen qolǵap túıistirdi.

Mahmýd bıyl Tashkentte ótken álem birinshiliginde 54 kelige deıingi salmaqta úzdik shyqqan edi.

Birinshi raýndta bes tóreshiniń tórteýi basymdyqty qazaq boksshysyna berdi. Ekinshi kezeńde qarqynyn údetken Mahmýd qarsylasyn nokdaýnǵa jiberdi. Úshinshi raýndta da esh múmkindik qaldyrǵan joq. Esep – 5:0.

Osylaısha, Mahmýd Sabyrhan 1/8 fınalǵa joldama aldy. Ol jartylaı fınalǵa shyǵý úshin soltústikkoreıalyq boksshymen talasady.

Eske sala keteıik, budan buryn Sáken Bıbosynovtyń Azııa oıyndarynda alǵashqy jeńisine qol jetkizgenin jazǵan bolatynbyz.

Azııa oıyndarynda Qazaqstan erler quramasy nysana kózdeýden kúmis medal aldy.

Tennısshi Denıs Evseev Azııa oıyndarynyń shırek fınalyna shyqty.