Qytaıdyń Hanchjoý qalasynda ótip jatqan Azııa oıyndarynyń sońǵy jarys kúninde qazaqstandyq sportshylar artıstik júzýden komandalyq saıysta úshinshi oryn aldy, dep habarlaıdy QazAqparat tilshisi.
Qazaqstandyq sportshylar saıys barysynda 663.7417 ball jınap, qola júldege qol sozdy. Birinshi orynǵa Qytaı (868.9676) ıe bolsa, Japonııa (831.2535) ekinshi orynǵa turaqtady.
Bul - qazaqstandyq sportshylar qol jetkizgen 79-medal. Qazirge deıin el quramasy jalpy komandalyq esepte 10 altyn, 21 kúmis, 48 qolamen 9-shy orynda tur.
Sondaı-aq, Azııa oıyndarynda karateshi Móldir Jańbyrbaı fınalǵa joldama aldy.
Endi ol fınalda 2018 jylǵy Azııa oıyndarynyń chempıony, taıbeılik Shıaý Shýang Gýmen altynǵa talasady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.