Azııa oıyndary: Qazaqstan jeńil atletıkadan fınalǵa shyqty

<p>Qytaıda ótip jatqan HІH jazǵy Azııa oıyndarynda jeńil atletıkadan qazaqstandyq Olga Safronova fınalǵa ótti, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

QR Týrızm jáne sport mınıstrliginiń málimetine súıensek, O. Safronova 200 metr qashyqtyqty 22.79 sekýndta júgirip ótip, fınalǵa 4-shi nátıjemen shyqty.

Otandasymyz buǵan deıingi Azııa oıyndarynda – 2014 jyly altyn, kúmis jáne qola júldeler alǵan bolatyn. Al 2018 jyly qola medalge qol jetkizdi.

Fınal 2 qazan kúni Astana ýaqytymen 17:45-te ótedi.

Eske salaıyq, Hanchjoýda Azııa oıyndary 23 qyrkúıek - 8 qazan aralyǵynda ótip jatyr.

1 qazan tańyndaǵy jaǵdaı boıynsha, Qazaqstan medaldar kestesinde 11-orynda tur. Qorjynda ázirge 26 medal bar – 3 altyn, 4 kúmis jáne 19 qola.

Týrnırdiń absolıýtti lıderleri burynǵysha – Qytaı (216 medal: 114— 68 — 34), Japonııa (105 medal: 28 — 38 — 39) jáne Ońtústik Koreıa (110 medal: 27 — 29 — 54).

Búgin Qazaqstan quramasynan tórt boksshy sharshy alańǵa shyǵady.