Azııa oıyndary: Qazaqstan stend atýdan «qola» aldy

<p>Qytaıdyń Hanchjoý qalasynda ótip jatqan HІH jazǵy Azııa oıyndarynda Qazaqstan quramasynyń qorjynyna kezekti medal tústi.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly Týrızm jáne sport mınıstrligine silteme jasap habarlaıdy.</p>

Stend atýdyń «skıt» baǵdarlamasynda otandasymyz Ásem Orynbaı qola júldege ıe boldy. Ol fınalda 45 márte nysanany dál kózdedi. Altyn men kúmis medal Qytaı quramasy sportshylarynyń enshisinde ketti.

Taǵy bir Ulttyq qurama mergeni Olga Panarına aqtyq synda 4-oryn aldy (34 upaı).

Eske salaıyq, búgin Azııa oıyndarynda stendtik atýdan Qazaqstan áıelder quramasy altyn medal jeńip alǵan bolatyn. Keıin jeke synda taǵy eki otandasymyz – Ásem Orynbaı men Olga Panarına aqtyq kezeńge ótti.

Stend atýdan ulttyq komandanyń bas bapkeri Sergeı Kolos sportshylarymyzda Parıj Olımpıadasyna joldama alýǵa múmkindik bar ekenin aıtqan bolatyn.