Azııa oıyndary: Qazaqstan medaldar kestesinde toǵyzynshy orynǵa kóterildi

<p>Qytaıdyń Hanchjoý qalasynda ótip jatqan Azııa oıyndarynda Qazaqstan quramasy toǵyzynshy orynǵa kóterildi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Karateshi Sofıa Berýltseva jeńimpaz atanǵannan keıin qazaqstandyqtar alǵan altyn medal sany onǵa jetti.

Osylaısha, Qazaqstan quramasy Bahreındi basyp ozyp, 10-nan 9-satyǵa jaıǵasty.

Bahreınde de on altyn, biraq olardyń kúmisi men qolasy áldeqaıda kem.

Qazirgi kezde Qazaqstan qorjynynda 10 altyn, 20 kúmis, 44 qola medal bar.

Medaldar kestesinde Qytaı quramasy (187 altyn, 104 kúmis, 62 qola) jekedara kósh bastasa, odan keıin Japonııa (47, 57, 62), Koreıa (36, 49, 84), Úndistan (22, 34, 39), Ózbekstan (20, 18, 26) sportshylary keledi.

Azııa oıyndary erteń máresine jetedi.

Eske sala keteıik, budan buryn Azııa oıyndarynda Sofıa Berýltsevanyń Qazaqstan qorjynyna onynshy altyndy salǵanyn jazǵan edik.