Azııa oıyndary: Búgin Qazaqstan quramasynan eki boksshy «altynǵa» talasady

<p>Búgin, 5 qazanda Hanchjoýda (Qytaı) ótip jatqan Azııa oıyndarynda Qazaqstan quramasynan eki boksshy altyn medal úshin judyryqtasady. <a href="https://kaz.inform.kz/" target="_blank" rel="noopener">QazAqparat</a> bul týraly <a href="https://www.sports.kz/" target="_blank" rel="noopener">Sports.kz</a> saıtyna silteme jasap habarlaıdy.&nbsp;</p>

Astana ýaqytymen saǵat 17:00-de Karına Ibragımova sharshy alańǵa shyǵady. Otandasymyz 57 kelige deıingi salmaqtaǵy aqtyq synda taıvandyq Tıng ıÝ Lınmen kezdesedi.

Saǵat 19:15-te erler arasynda asa aýyr salmaqtaǵy jekpe-jek ótedi. 92 keliden joǵary salmaqtaǵy fınaldyq kezdesýde Qamshybek Qońqabaev ózbek boksshysy Bahodır Jalolovpen judyryqtasady. El sportshylary qatysatyn eki fınaldyq jekpe-jektiń tikeleı translıatsııasyn Qazsport telearnasynan kórýge bolady.

Aıta keteıik, Azııa oıyndarynyń fınalyna joldama alǵan Karına Ibragımova buǵan deıin soltústikkoreıalyq Djın Hıang Pekti, mońǵolııalyq Namýýn Monhordy jáne Tájikstan ókili Mıjgona Samadovany jeńdi.

Týrnır barysynda Qamshybek Qońqabaev Bahreın boksshysy Danıs Latypov pen úndistandyq aýyr salmaqtaǵy boksshy Narenderdi jeńdi.