Qytaıdyń Hanchjoý qalasynda ótip jatqan Azııa oıyndarynda áıelder kúresinen qazaqstandyq eki balýan qola júldege talasady, dep habarlaıdy QazAqparat tilshisi.
Dúbirli dodada 62 keli salmaqta baq synaǵan Irına Kýznetsova Azııa oıyndarynda qola júldege talasady.
Bıyl 22 jasqa tolǵan ol 1/8 fınalda Tserenchımed Sýhıdi 6:4, 1/4 fınalda Hsın Pıng Paıdy (Taıpeı) 12:0 esebimen utyp ketti.
Al jartylaı fınalda eki dúrkin álem chempıony Nonoka Odzakıge (Japonııa) 0:8 esebimen ese jiberip, qola júldege talasatyn boldy.
Sondaı-aq, uzaq jyldan keıin úlken sportqa qaıta oralǵan 36 jastaǵy Elena Shalygına da 3-oryn úshin beldesedi. Qarsylasy - Azııa chempıonatynyń 3 márte júldegeri Delgermaa Enhsaıhan (Mońǵolııa).
Eske salsaq, budan buryn áıelder kúresinen Jámıla Baqbergenova (76 keli) fınalǵa shyqty.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.