Azııa oıyndary: Aýyr atlet Aleksandr Ývarov qola medal enshiledi

<p>Qytaıdyń Hanchjoý qalasynda ótip jatqan Azııa oıyndarynda qazaqstandyq aýyr atlet Aleksandr Ývarov qola medal jeńip aldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qazaqstandyq aýyr atlet 81 kelige deıingi salmaqta synǵa tústi.

Onyń eki jattyǵý boıynsha kórsetkishi — 348 keli.

Atalǵan salmaqta birinshi oryn Soltústik Koreıadan kelgen Rı Chonsonǵa (364 keli), ekinshi oryn ózbekstandyq Muhammedkodır Toshtemırovke (351 keli) buıyrdy.

Taǵy bir qazaqstandyq Elaman Seıtqazy tórtinshi (343 keli) orynda.

Azııa oıyndarynda aýyr atletıka saıystary 30 qyrkúıek pen 7 qazan kúnderi ótkiziledi.

Azıadada Qazaqstan quramasynda 524 sportshy bar. Olar sporttyń 30 túrinen synǵa túsedi.

Onyń 27-si –olımpıadalyq sport túri sanalady.

Dúbirli dodada toǵyz sport túrinen Parıjde ótetin 2024 jylǵy Olımpıadaǵa qatysýǵa lıtsenzııa alady.

Olardyń qatarynda boks, sadaq atý, qazirgi bessaıys, júzý, kórkem júzý, breıkıng, kógaldaǵy hokkeı, tennıs, jeńil atletıka bar.