Azııa oıyndary: Aslanbek Shymbergenov ózbekstandyq boksshyny nokaýtpen jeńdi

<p>Qytaıdyń Hanchjoý qalasynda ótip jatqan Azııa oıyndarynda qazaqstandyq boksshy Aslanbek Shymbergenov jartylaı fınalǵa shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Qazaqstandyq boksshy shırek fınalda 71 kelige deıingi salmaqta ózbekstandyq Asadhýdja Mýıdınhýdjaevpen judyryqtasty.

Eki sportshy da álem chempıony, sondyqtan jekpe-jek tartysty boldy.

Alǵashqy eki kezeńde tóreshiler sheshimimen ózbekstandyq boksshy alda turdy. Biraq sońǵy raýndta Aslanbek qarsylasyn úsh ret nokdaýnǵa jiberip, referı kezdesýdi toqtatty.

Osylaısha, Aslanbek Shymbergenov keminde qola júldege qol sozady. Biraq ol endi altyn úshin baryn salatyny anyq.

Keshki sessııada Valentına Halzova 75 kelige deıingi salmaqta qytaılyq Tsıan Lıden jeńilip qaldy.

Eske sala keteıik, budan buryn Qamshybek Qońqabaevtyń Azııa oıyndarynyń 1/2 fınalyna ótkenin jazǵan bolatynbyz.