Bokstan Qazaqstan quramasynyń kapıtany Aslanbek Shymbergenov (71 keli) Qytaıdyń Hanchjoý qalasynda ótip jatqan XIX jazǵy Azııa oıyndarynda alǵashqy jekpe-jegin sátti ótkizdi, dep habarlaıdy QazAqparat tilshisi.
Qazaqstandyq boksshy 1/8 fınalda qytaılyq Peıchen Vannan 4:0 esebimen basym tústi.
Nátıjesinde ol shırek fınalǵa joldama aldy.
Aıta ketsek, Aslanbek Shymbergenov bıyl Ózbekstanda ótken álem chempıonatynda jeńis tuǵyrynan kórindi. Sondaı-aq, ol 2018 jyly Azııa oıyndarynda kúmis júldeger atansa, 2017 jyly Búkilálemdik áskerı oıyndarda chempıon boldy.
Endi ol shırek fınalda 30 qyrkúıekte ózbekstandyq Asadhýdja Mýıdınhýdjaevpen sheberlik baıqasady.
Bokstan el quramasynan Sáken Bıbosynov (51 keli) búgin, 28 qyrkúıekte ózbekstandyq Hasanboı Dýsmatovke ese jiberip qoıdy.
Eske salsaq, budan buryn el quramasynan Nazym Qyzaıbaı Azııa oıyndaryn jeńispen bastady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.