Azııa óńiriniń tarıhı tájirıbesi jańa álemdik tártipti qurýdyń berik negizi bola alady - Toqaev
«Birneshe myńjyldyqtar boıy bizdiń makroóńir memleketter búkil adamzattyń áleýmettik, mádenı, tehnologııalyq progresiniń negizgi qozǵaýshy kúshi boldy. Osynaý orasan zor tarıhı tájirıbe egemendik teńdik, beıbit qatar ómir súrý jáne ádilettilik qaǵıdattaryna negizdelgen jańa turaqty jáne ınklıýzıvti álemdik tártipti qurýdyń berik negizi bola alady», - dedi Qazaqstan Prezıdenti Azııadaǵy ózara is-qımyl jáne senim sharalary jónindegi keńestiń VI sammıtinde.
Azııa keńesiniń sammıti pandemııadan keıingi kezeńde Qazaqstanda ǵana emes, jalpy kontınentte de asa aýqymdy saıası oqıǵalardyń birine aınalady dep aıtýǵa bolady. Aıta keteıik, osy sammıt qazaqstandyq tóraǵalyqtyń basty is-sharasy, onyń ishinde elimizdiń tóraǵa retindegi eki jyldyq jumysy qorytyndylanady.