Azııa men Soltústik Eýropa toǵysyndaǵy «Nurly joldyń» jańa perspektıvalary ashyldy

ASTANA. QazAqparat - Fınlıandııanyń Koývola qalasynda Temirjolshylardyń 2017 jylǵy forýmy ótip, oǵan Fınlıandııa Respýblıkasynyń Kólik jáne kommýnıkatsııalar mınıstri Annı Brener men kedendik qyzmettiń basshylyǵy, Helsınkıde tirkelgen dıplomatııalyq ókildikter jáne Qazahstan, Fınlıandııa, Reseı jáne Qytaı kelgen 300-ge jýyq tranzıttik-kóliktik kompanııalar qatysty.

Bul týraly QazAqparat QR SІM baspasóz qyzmetine silteme jasaı otyryp haıýarlaıdy.

Іs-shara 2016 jyldyń jeltoqsan aıynda Koývola-Kalýga-Qorǵas-Chjenchjoý baǵyty boıynsha «Shyǵys kólik dálizin» ashý týraly joǵaryda atalǵan elder ókilderiniń arasynda tórtjaqty kelisimin júzege asyrý aıasynda oryn tepti.

Fınlıandııa kólik vedomstvosynyń basshysy óz sózinde Soltústik Eýropa logıstıkalyq haby retinde pozıtsııasyn nyǵaıtýdy kózdeıtin Sýomı strategııasy kontekstinde bul forýmnyń mańyzdylyǵyn atap ótti. Sonymen qatar A. Brener, logıstıkalyq áleýetti tolyq paıdalana otyryp, Skandınavııa memleketteri men Azııany baılanystyratyn jańa jol túzip otyrǵan elderge tıesili tranzıttik-kóliktik júıelerdiń ózara is-qımylyn ártaraptandyrýǵa Helsınkıdiń múddeligin rastady.

Qazaqstannyń Fınlıandııadaǵy Elshisi Murat Nurtileýov alqaly basqosýǵa qatysýshylardy Qazaqstan Prezıdenti N. Nazarbaevtyń bastamasymen elimizdiń álemdegi básekege qabiletti 30 ekonomıka qataryna qosylýyn qamtamasyz etetin basymdyqtar men maqsat-mindetter týraly habardar etti.

Qazaqstandyq dıplomattyń pikiri boıynsha, «Qazaqstannyń úshinshi jańǵyrýy: jahandyq básekege qabilettilik» atty Elbasynyń jylsaıynǵy joldaýy men «Nurly jol» Jańa ekonomıkalyq baǵdarlamasyna sáıkes keń aýqymdy reformalardy júzege asyrý búginde Qazaqstannyń ǵana emes, búkil Ortalyq Azııanyń halyqaralyq saýda-ekonomıkalyq yntymaqtastyq júıesiniń ajyramas bóligine aınalýyna múmkindikterdi eseleıtin tarıhı qadamdary bolyp tabylady.

Sondaı-aq, M. Nurtileýov qazaqstan-fın kooperatsııasyna toqtala kele, ekijaqty qarym-qatynastardy sapaly jańa mazmunmen tolyqtyrýǵa zor múmkindikter ashatyn birqatar baǵyttardyń perspektıvalaryna toqtalyp, onyń ishinde dıgıtalızatsııa, robottaý, ІT men kommýnıkatsııalardyń bolashaǵy kemel bolaryna senimin bildirdi. 

«Jańa geoekonomıkalyq paradıgmany qalyptastyrý jaǵdaıynda Qazaqstanyń negizgi artyqshylyqtary retinde elimizdiń tıimdi geografııalyq ornalasýyn, saıası turaqtylyǵyn jáne damyǵan tranzıttik-kóliktik ınfraqurylymyn erekshe ataý oryndy. Sonyń aıqyn dáleli retinde Azııa men Eýropanyń arasyndaǵy saıası jáne ekonomıkalyq yqpaldastyq aıasyn keńeıtýge úlken arqaý bolǵan Astananyń jetekshi halyqaralyq jáne óńirlik úderisterdegi róli men jetistikterin keltirýge bolady», - dep málimdedi dıplomat.

Transqurlyqtyq jańa dálizdi ashýdyń ózektiligi jóninde osy tyń bastamanyń júzege asýyna tikeleı atsalysyp otyrǵan elderdiń iskerlik toptary da qoldaý kórsetip sóz sóıledi. Osy rette, «Qorǵas-Shyǵys qaqpa» EEA dırektory Jasulan Hamzın jáne «QTJ Ekspress» AQ departament dırektory Almat Kárimov óz tanystyrylymdary aıasynda aýdıtorııany Qazaqstannyń kóliktik strategııasynyń iske asyrylýy barysymen, sondaı-aq  Qazaqstan jáne Qytaı shekarasyndaǵy logıstıkalyq ınfraqurylymdar jumysynyń damýymen tanystyrdy.