Azııa men Eýropa: tranzıttik tasymaldyń 80%-y Qazaqstan arqyly ótedi

Foto: Фото: Александр Павский/ Kazinform
<p>Elimizde 5 jylǵa arnalǵan ınvestıtsııalyq jobadan turatyn pýl qalyptastyryldy. Bul týraly QR Aýyl sharýashylyǵy mınıstri Aıdarbek Saparov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Azııa men Eýropa arasyndaǵy qurlyqtyq tranzıttik tasymaldardyń 80% jýyǵy Qazaqstan arqyly ótedi. Úkimet agroónerkásiptik keshen salasyna ınvestıtsııalar tartýǵa úlken kóńil bólip otyr. Bizde aldaǵy 5 jylǵa ımportty almastyrý jáne eksporttyq áleýetti damytý boıynsha taýarlar óndirisin ulǵaıtýǵa baǵyttalǵan 6 mlrd AQSh dollary somasyna 883 ınvestıtsııalyq jobadan turatyn pýl qalyptastyryldy», - dedi Aıdarbek Saparov elordada ótip jatqan TMD-ǵa qatysýshy memleketterdiń azyq-túlik qaýipsizdigin qamtamasyz etý salasyndaǵy yntymaqtastyq máseleleri jónindegi mınıstrler konferentsııasynda.

Mınıstrdiń aıtýynsha, elimizde ınvestıtsııalyq qyzmetti júzege asyrý úshin qolaıly jaǵdaı jasalǵan.

«Ekonomıkanyń agrarlyq sektorynyń qoldanystaǵy zańnamalyq bazasy ınvestorlar úshin barynsha tartymdy jáne kásipkerlikti qorǵaýǵa jáne qoldaýǵa baǵyttalǵan. Investıtsııalar úshin áleýetti baǵyttardyń biri tereńdete óńdeý jobalary joǵary óńdeý óndirisi. Et pen sút, qant qyzylshasyn, ósimdik maıyn, sondaı-aq qus etin óndirý jáne óńdeý salasyndaǵy jobalar da qyzyǵýshylyq týdyryp otyr», - deıdi ol.

Seıchas chıtaıýt