Azııa keńesi Bas hatshysy SІMK beıresmı otyrysy týraly málimdeme jasady

<p class="MsoNormal" style="margin-bottom: 0cm; text-align: justify; text-justify: inter-ideograph;"><span lang="RU" style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-bidi-font-weight: bold;">Azııa </span><span style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-ansi-language: KZ; mso-bidi-font-weight: bold;">k</span><span lang="RU" style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-bidi-font-weight: bold;">eńesi Bas hatshysy SІMK beıresmı otyrysynyń qorytyndy</span><span style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-ansi-language: KZ; mso-bidi-font-weight: bold;">s</span><span lang="RU" style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-bidi-font-weight: bold;">y týraly</span><span style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-ansi-language: KZ; mso-bidi-font-weight: bold;"> málimdeme jasady, dep habarlady<a href="https://kaz.inform.kz/" target="_blank" rel="noopener"> QazAqparat.</a></span></p> <p class="MsoNormal" style="margin-bottom: 0cm; text-align: justify; text-justify: inter-ideograph;"><em style="mso-bidi-font-style: normal;"><span style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial; mso-ansi-language: KZ; mso-bidi-font-weight: bold;">&nbsp;</span></em></p> <p class="MsoNormal" style="text-align: justify; text-justify: inter-ideograph; text-indent: 35.4pt; margin: 0cm 0cm 0cm 35.4pt;"><span lang="RU" style="font-size: 14.0pt; mso-bidi-font-size: 11.0pt; line-height: 115%; font-family: 'Arial',sans-serif; mso-fareast-font-family: Arial;">&nbsp;</span></p>

Azııadaǵy ózara is-qımyl jáne senim sharalary keńesiniń Mınıstrler keńesi ózara pikir almasty. Nátıjesinde ótken jyly Azııa Keńesiniń altynshy sammıtinen bastaý alǵan transformatsııa úderisi aıasynda Azııa Keńesin tolyqqandy halyqaralyq óńirlik uıym retinde nyǵaıtýǵa baǵyttalǵan keńeıtilgen reformalar kesheni biraýyzdan maquldandy.

Azııa Keńesin transformatsııalaýdyń strategııalyq mańyzy – Azııanyń jahandyq rólin kúsheıtý jáne múshe-memleketter arasyndaǵy yntymaqtastyqty jańa bıikterge jeteleý.

«Búgin qabyldanǵan Azııa Keńesin transformatsııalaýdyń Jol kartasy bizdiń uıymymyzdy birtindep qurylymdyq turǵydan ózgertýge baılanysty týyndaıtyn máselelerdi talqylaý men sheshim qabyldaýdyń basty qujaty bolyp tabylady. Bul uıym jarǵysyn jasaý, Azııa keńesi aıasynda yntymaqtastyqtyń jańa baǵyttaryn zerdeleý, bıýdjettik jáne kadrlyq reformalardy júzege asyrý, sondaı-aq basqa da máselelerdi qamtıdy. Azııa keńesi osyndaı órkendi ózgeristerdiń arqasynda múshe-memleketter arasyndaǵy aldaǵy yntymaqtastyqtyń jan-jaqty baǵyttaryn naqtylaı túsýge jáne ózara is-qımyldyń uıymdyq jáne ınstıtýtsıonaldyq bazasyn nyǵaıtýǵa umtylady. Búgingi qabyldanǵan sheshimde Azııa Keńesiniń aǵa laýazymdy tulǵalar komıtetine berilgen transformatsııalaýdyń jol harıtasynyń barlyq elementin talqylaýdy odan ári jalǵastyryp, Mınıstrler Keńesi nemese Sammıt sheshim qabyldaýy úshin usynymdar berý jónindegi tapsyrma kórinis tapqan. Bas hatshy retinde maǵan múshe-memleketterdiń kelissózder protsesin úılestirý men ilgeriletýde Tóraǵalyqqa qoldaý kórsetý tapsyryldy. Sonymen qatar, Mınıstrler keńesi turaqty damý maqsatynda eriktiler qozǵalysyn ilgeriletý jóninde málimdeme jasaǵanyn qanaǵattanýshylyq sezimmen atap ótem. Bul qujat Azııa keńesine múshe memleketteriniń turaqty ári jarqyn keleshekke qol jetkizýine ıgi áserin tıgizetin eriktilerdiń kúsh-jigerin odan ári damytýǵa jáne járdemdesýge degen qulshynysyn kórsetedi», - dedi Bas hatshy.

Onyń aıtýynsha, muny Azııa keńesi aıasyndaǵy yntymaqtastyqtyń múldem jańa baǵyty dep ataýǵa bolady. Mundaı bastamalar, sonymen qatar mádenıetaralyq dıalogtyń damýyna jáne halyq arasyndaǵy senim men toleranttylyqty nyǵaıtýǵa septigin tıgizetindigi sózsiz.

Azııa Keńesi volonterlyq qozǵalystyń baǵdarlamalary men jobalaryn ilgeriletý, olardyń jumysy úshin qolaıly jaǵdaı týdyrý, tehnıkalyq daǵdylardy damytýdy kózdeıtin trenıngter men kýrstardy kóbeıtý arqyly eriktilerdiń Azııanyń kemel keleshegin qalyptastyrýǵa baǵyttalǵan áleýetin tolyq qýatynda júzege asyrý barysynda mańyzdy oryn alady degen úmittemin. Búgin qabyldanǵan Mınıstrler keńesiniń taǵy bir mańyzdy sheshimi – Bas hatshynyń kelesi orynbasaryn úsh jyl merzimge taǵaıyndaý. Qytaı usynǵan Chjan Lıng hanym osy laýazymda Qytaı jibergen Chı Fan hanymnyń ornyn basady. Ekeýi de Aspan asty memlekettiń Syrtqy ister mınıstrliginiń tájirıbeli dıplomattary. Jalpy, Qytaı – Azııa keńesi protsesiniń eń belsendi jaqtaýshylarynyń biri. Men múshe memleketterdiń osy joǵary laýazymda sabaqtastyqty qamtamasyz etkenine qýanysh bildiremin», – dep jazylǵan Azııa keńesi Bas hatshysy málimdemesinde.