Azııa qalamgerlerine ortaq jýrnal jaryq kóredi

NUR-SULTAN. QazAqparat - Elordada ótken Azııa qalamgerleriniń tuńǵysh forýmynda ádebı jýrnal men gazet nómirlerin birlesip shyǵarý týraly sheshim qabyldandy. Bul jaıynda Tájikstan Jazýshylar odaǵynyń tóraǵasy Nızom Kosım aıtty, dep habarlaıdy QazAqparat tilshisi.

«Forým birlesken jumystardyń ári qaraıǵy josparyn belgileý úshin óte yńǵaıly alań boldy. Biz aldaǵy ýaqytta ádebı jýrnaldar men gazetterdiń birlesken nómirin shyǵarýǵa ýaǵdalastyq. Bul oqyrmandarymyzdyń ózge elderdiń, kórshileriniń ádebı shyǵarmashylyǵymen tanys bolýy úshin jasalady. Menińshe, bul da halyqtarymyzdy jaqyndastyra túsýge septigin tıgizedi», - dedi Nızom Kosım forýmnyń jabylýyna arnalǵan saltanatty shara aıasynda.

Onyń atap ótýinshe, atalǵan basylymdardyń formaty aldaǵy ýaqytta egjeı-tegjeıli talqylanady. Basylym nómiri jergilikti nemese sheteldik qalamgerdiń shyǵarmalaryna ne bolmasa naqty bir eldiń ádebıetine arnalýy mumkin.
«Barlyq, ásirese burynǵy keńestik keńistikten shyqqan Jazýshylar odaǵynyń negizgi jumys baǵyttarynyń biri - ózge eldermen, ásirese baýyrlas respýblıkalarmen mádenı baılanysty jolǵa qoıyp, nyǵaıtý. Bul oraıda Qazaqstan bárimizdi basyp ozdy. Bul - elderińizde ótip jatqan osymen úshinshi halyqaralyq ádebı shara bolyp otyr. Men onyń ekeýine qatysqan edim. Tamasha áser aldym», - dedi ol.
Aıta keteıik, forým aıasyndaǵy úsh kún ishinde uıymdastyrýshylar men qatysýshylardyń arqasynda aýqymdy da jemisti ister atqaryldy. Paneldik sessııalar, pikirtalas, kezdesýler sətti ótip, memorandýmǵa qol qoıylyp, Jazýshylar alleıasy ashyldy. Birinshi kúnniń jalpy otyrysyna Memleket basshysy Qasym-Jomart Toqaev arnaıy qatysyp, naqty usynystar da jasady.