«Azııa daýysy» halyqaralyq festıvaline sheteldegi qandastarymyz da qatysady

ASTANA. QazAqparat - «Azııa daýysy» halyqaralyq festıvaline sheteldegi qandastarymyz da qatysady, dep habarlaıdy QazAqparat Otandastar qoryna silteme jasap.

Osydan 33 jyl buryn «Medeý» muz aıdynynda tusaýyn kesken «Azııa daýysy» halyqaralyq festıvali az ýaqytta talaı daryndy elge tanytqany belgili.

Araǵa 18 jyl salyp atalmysh joba úlken sahnaǵa qaıta oraldy.

Bıyldan bastap, Otandastar qorynyń bastamasymen «Azııa daýysy» sahnasynda shet elderde turatyn qandastarymyz da óner kórsetetin bolady.

Bul jaǵdaı Otandastar qory men «Azııa daýysy» halyqaralyq festıvali qol qoıǵan memorandýmda kelisildi.

Yntymaqtastyqtyń maqsaty – shetelderde turatyn talantty otandastardyń ónerine erekshe mán berip, qoldaý kórsetý.