Azııa damýynyń erekshelikteri V Astanalyq ekonomıkalyq forým barysynda talqylanady
«Búgingi kúni Azııa óńirindegi elderdiń tabysty ekonomıkasy men qaryshty damýy álemniń nazaryn ózine aýdaryp otyrǵany anyq. Azııanyń bir bólshegi bolyp tabylatyn Qazaqstan da damý úderisin kórsetip otyrǵan Qytaı, Koreıa, Gonkong, Malaızııa, Taıvan sekildi elderdiń tájirıbesin ózine sińirý múmkindigine ıe. Tipti jekelegen ondaı elderdiń jaǵdaıyndaǵy tabysty damý qupııasy Qazaqstan ekonomıkasynyń túrli salalaryndaǵy tıimdi saıasat úshin negiz bola alady», - delingen baspasóz aıǵaǵynda.
Osy rette Azııa óńiri memleketteriniń ekonomıkalyq damýyn zertteý, óńirdiń tabysty elderiniń ekonomıkasyna qozǵaý salǵan tirekterdi qazaqstandyq ekonomıka jaǵdaıynda qoldaný máselelerin saralaý maqsatynda Ekonomıkalyq damý jáne saýda mınıstrligi «Ekonomıkalyq zertteýler ınstıtýty» AQ-men birlese otyryp 24 mamyr 2012 jyly ótetin V Astanalyq ekonomıkalyq forým sheńberinde «Azııa kóshbasshylyǵy: uqsas jetistikter» sessııasyn uıymdastyratyn bolady.
Sessııa barysynda Azııa elderiniń daǵdarysqa deıingi jáne daǵdarystan keıingi ósim draıverleri, ekonomıkany qalpyna keltirýdegi memlekettiń róli, Azııalyq óńirlik jaǵdaıynda salystyrmaly basymdyqtar teorııasyn qoldaný máseleleri talqyǵa túspek. Osyǵan oraı, sessııa barysynda «BOAO» Azııalyq forýmynyń Bas dırektory Chjoý Venchjýnnyń, Azııa strategııa jáne kóshbasshylyq ınstıtýtynyń quryltaıshysy jáne atqarýshy dırektory Maıkl Ieonyń, sondaı-aq Qytaı, Japonııa men Qazaqstannyń jetekshi kompanııalar basshylary sóz sóıleıtini kózdelip otyr. Sharaǵa tanymal ekonomıst ǵalymdar, bıznes qurylym basshylary men halyqaralyq kompanııa ókilderi de atsalyspaq.