Azııa Damý Bankinen alynǵan qaryz bıýdjet tapshylyǵyn jabýǵa jumsalady - Májilis

ASTANA. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (Qarsy tsıkldik damýdy qoldaý) ratıfıkatsııalaý týraly» zań jobasyn maquldady.

Atalǵan kelisimge 2015 jyldyń 18 qarashasynda QR Prezıdentiniń Jarlyǵyna sáıkes qol qoıylǵan.

«Bul rette 1 mlrd. AQSh dollary somasyndaǵy Qazaqstan Respýblıkasy men Azııa Damý Banki arasyndaǵy qaryz týraly kelisim aıasyndaǵy qarajat 2016 jylǵa arnalǵan bıýdjet tapshylyǵyn qarjylandyrýǵa baǵyttalady. Tutastaı alǵanda, qarajat eldiń áleýmettik-ekonomıkalyq damýynyń negizgi basymdyqtaryn qoldaýǵa jáne Úkimettiń ekonomıkany yntalandyrý jáne ekonomıkalyq ósýge yqpaldasý jónindegi strategııalyq sharalarynyń oryndalýyna múmkindik beredi», - dedi Qarjy mınıstri Baqyt Sultanov.

Onyń aıtýynsha, Azııa Damý Bankiniń 1 mlrd. AQSh dollary somasyndaǵy qaryzy 3 jyldyq jeńildik beriletin kezeńdi qosa alǵanda, 5 jyl óteý merzimimen usynylǵan.

«Kórsetilgen qaryz qarajattarynyń bekitilgen bıýdjet tapshylyǵy jaǵdaıyndaǵy qajettiligin eskere otyryp, atalǵan kelisimniń tez arada kúshine enýi mańyzdy sanalady. Óıtkeni, qaryz Azııa Damý bankiniń arnaıy qorynda Qazaqstan Respýblıkasy úshin 2015 jylǵa rezervtelgen», - deıdi mınıstr.

Májilis maquldaǵan zań jobasy Senatqa joldanady.