Azııa chempıondary men júldegerleri elge oraldy

ASTANA. QazAqparat – 18-26 qańtar kúnderi Bangkokta ótken 22 jasqa deıingiler arasyndaǵy Azııa chempıonatynda 11 medal jeńip alǵan bokstan Qazaqstan erler quramasy Taılandtan tikeleı reıspen Qazaqstanǵa oraldy. Bul týraly QazAqparat Sportty damytý dırektsııasyna silteme jasap habarlaıdy.

Sary qurlyq bəsekesiniń júldegerlerin əýejaıdan Qazaqstan boks federatsııasynyń ókilderi, týystary, dostary, jýrnalıster men jankúıerler sən-saltanatymen kútip aldy.

«Búgin eldegi jankúıerler ádettegideı óte jaqsy qarsy aldy. Uzaq ýaqyt jolda bolyp, jarystan sharshaǵan boksshylardyń kóńil kúıi kóterilip qaldy. Biz halyqtyń boksty əli de jaqsy kóretinin sezdik. Munymen toqtap qalmaımyz, alda áli kóp jumys bar. Əýeli halyqtyń, sosyn memleket pen federatsııa qoldaýynyń arqasynda otandasymyzdy taǵy qýantamyz, dep senemin», - dedi Qazaqstan boks federatsııasynyń baspasóz qyzmetine bergen suhbatynda erler quramasynyń bas bapkeri Myrzaǵalı Aıtjanov.

«Bizdi qoldaǵan barlyq jankúıerge zor alǵys aıtamyn. Biz úshin ýaıymdap, jeńis tilegenderińizdi jaqsy bilemiz. Bangkoktaǵy dodaǵa keletin bolsaq, men ol jerde 57 kelige deıingi salmaqta synǵa tústim. Bul Olımpıada baǵdarlamasyna kiretin salmaq. Endi aýysqandyqtan qıyndaý boldy. Soǵan qaramastan, jaqsy nətıje kórsettim dep oılaımyn. Maqsat baıaǵydaı – Olımpıada altynyn jeńip alý», - dedi Ulttyq qurama kóshbasshysynyń biri Mahmud Sabyrhan.

Qurama sapynan Sanjar Táshkenbaı (48 keli), Nursultan Altynbek (54 keli), Mahmýd Sabyrjan (57 keli) chempıon atandy.

Al, Abzal Serik (67 keli), Sabyrjan Aqqalykov (71 keli), Dıas Moljigitov (75 keli) kúmis medal aldy.

El quramasynan Talǵat Syrymbetov (60 keli), Muhammedsabyr Bazarbaıuly (63,5 keli), Erasyl Jakpekov (80 keli), Erhat Bekzat (92 keli), Amanat Sabyrǵalı (92 keliden joǵary) qola júldeni qanaǵat tutty.