Azııa chempıonatynda taǵy qazaqstandyq 6 boksshy baq synaıdy

ASTANA. QazAqparat – Iordanııanyń Amman qalasynda ótip jatqan Azııa chempıonatynda búgin qazaqstandyq alty boksshy baq synaıdy, dep habarlaıdy QazAqparat tilshisi.

Jarystyń besinshi kúni rıngke qazaqstandyq boksshy qyzdar shyǵady.

Jastar arasynda álem chempıonatynyń kúmis júldegeri Jazıra Oraqbaeva 52 kelige deıingi salmaqta ońtústikkoreıalyq Kım Chae Vonmen judyryqtasady.

Azııa oıyndarynyń kúmis, álem chempıonatynyń qola júldegeri Jaına Shekerbekovanyń (54 kg) qarsylasy – japonııalyq Hana Narıta.

Álem chempıonatynyń qola júldegeri Karına Ibragımova 57 kelige deıingi salmaqta taǵy bir ońtústikkoreıalyq Im Ae Djıden ótýge tyrysyp kóredi.

Qazaqstan chempıony Aıda Ábikeeva 63 kelige deıingi salmaqta japonııalyq Maı Kıtomen qolǵap túıistiredi.

Azııa chempıony, Rıo olımpıadasynyń qola júldegeri Darıǵa Shákimova 70 kelige deıingi salmaqta úndistandyq Poodjamen shyǵady.

Álem jáne Azııa chempıony Valentına Halzovanyń da (75 kg) qarsylasy – úndistandyq Lovlına Borgohaın.

Kúndizgi sessııa Astana ýaqytymen saǵat 16.00-de, keshki sessııa 21.00-de bastalady.

Osy chempıonatta qazaqstandyq úsh boksshy Mádına Nurshaeva (66 kg), Gúlsaıa Erjan (81 kg) jáne Lázzat Kúngeıbaeva (+81 kg) dodany jartylaı fınaldan bastaıdy. Olardyń qorjynynda keminde qola júlde bar.

Eske sala keteıik, budan buryn Nazym Qyzaıbaıdyń Azııa chempıonatynyń ¼ fınalyna ótkenin jazǵan bolatynbyz.

Sondaı-aq Azııa chempıonatynda qazaqstandyq úsh boksshynyń rıngke shyǵatyny habarlandy.

Bokstan Azııa chempıonatynda Dýlat Bekbaýov shırek fınalǵa joldama aldy.

Azııa chempıonatynda Aslanbek Shymbergenov qarsylasyn nokaýtpen jeńdi.

Azııa chempıonatynda 19 jastaǵy Sanjar Táshkenbaı ózbekstandyq boksshyny utty.