Azııa chempıonatynda taǵy bir qazaqstandyq boksshy júldege ilikti

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Samatáli Tóltaev jekpe-jegin sátti ótkizdi, dep habarlaıdy QazAqparat tilshisi.

Qazaqstandyq boksshy shırek fınalda qyrǵyzstandyq Mırzohıd Imamnazarovpen qolǵap túıistirdi.

Bul jekpe-jekte S. Tóltaev tóreshiler sheshimimen jeńiske jetti.

Osylaısha, ol jartylaı fınalǵa shyǵyp, keminde qola medalǵa qol jetkizdi.

Búgin keshki sessııada taǵy tórt qazaqstandyq boksshy rıngke shyǵady.

Eske sala keteıik, budan buryn Azııa chempıonatynda Qazaqstan qorjynyna segizinshi medal túskenin jazǵan bolatynbyz.

Sondaı-aq, Azııa chempıonatynda qazaqstandyq jeti boksshy synǵa túsetini habarlandy.

Buǵan deıin Mahmýd Sabyrhan men Serik Temirjanov júlde aldy.

Sýret olympic.kz saıtynan alyndy.