Azııa chempıonatynda Sanjar Táshkenbaı júldegerler sapyna qosyldy

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda 19 jastaǵy Sanjar Táshkenbaı jartylaı fınalǵa joldama aldy, dep habarlaıdy QazAqparat tilshisi.

Jastar arasynda álem jáne Azııa chempıony S.Táshkenbaı 48 kelige deıingi salmaqta qyrǵyzstandyq Mırlan Týrkbaı ýýlýmen sheberlik baıqasty.

Boıy da, qoly da uzyn Sanjar jyldam qımyldap, qarsylasyna soqqylaryn dál jumsaı bildi. Tóreshiler esebi – 5:0.

Osylaısha, S.Táshkenbaı jartylaı fınalǵa shyǵyp, júldegerler qataryna qosyldy.

Sanjar Táshkenbaı bastapqy jekpe-jeginde basty qarsylasynyń biri – ózbekstandyq Asılbek Djalılovty 5:0 esebimen utqan bolatyn.

Eske sala keteıik, budan buryn bokstan Azııa chempıonatynda Qazaqstan qorjynyna segizinshi medal túskenin jazǵan bolatynbyz.

Azııa chempıonatynda qazaqstandyq jeti boksshynyń synǵa túsetini habarlandy.

Azııa chempıonatynda Mahmýd Sabyrhan men Serik Temirjanov júlde aldy.

Buǵan deıin taǵy bir qazaqstandyq boksshy júldege ilikti.