ASTANA. QazAqparat - Iordanııanyń Amman qalasynda ótip jatqan bokstan álem chempıonatynda qazaqstandyq Sáken Bıbosynov bastapqy kezdesýin sátti ótkizdi, dep habarlaıdy QazAqparat tilshisi.
Tokıo olımpıadasynyń qola júldegeri, álem chempıony S.Bıbosynov 51 kelige deıingi salmaqta úndistandyq Sparsh Kýmarmen kezdesti.
Bul jekpe-jekte tóreshiler 4:1 esebimen jeńisti qazaqstandyq boksshyǵa berdi.
Sáken shırek fınalda malaızııalyq Kaııým Arıffınmen judyryqtasady. Bul jekpe-jek 5 qarasha kúni ótedi.
Eske sala keteıik, budan buryn bokstan Azııa chempıonatyn Serik Temirjanovtyń jeńispen bastaǵanyn jazǵan bolatynbyz.
Sondaı-aq bir boksshymyz jarys jolynan shyǵyp qaldy. Sanatáli Tóltaev 63,5 kelige deıingi salmaqta ózbekstandyq Rýslan Abdýllaevqa ese jiberdi.
Foto: sports.kz
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).