Azııa chempıonatynda qazaqstandyq jeti boksshy medal úshin synǵa túsedi
Jarystyń altynshy kúni elorda ýaqytymen saǵat 16.00-de Mahmýd Sabyrhan (54 kg) alǵashqy bolyp rıngke shyǵady.
Onyń qarsylasy – mońǵolııalyyq Dornyambýý Ganbold.
Kúndizgi sessııada besinshe jupta Serik Temirjanov (57 kg) ıordanııalyq ıÝsef Iashashty synap kóredi.
Onynshy jekpe-jekte Samatáli Tóltaev (60 kg) qyrǵyzstandyq Mırzohıd Imamnazarovpen qolǵa túıistiredi.
Keshki sessııa saǵat 21.00-de bastalyp, tórtinshi kezek Sanjar Táshkenbaıǵa (48 kg) tıedi. Ol qyrǵyzstandyq Mırlan Týrkbaı ýýlýmen judyryqtasady. 11-jupta Dýlat Bekbaýov (67 kg) taǵy bir qyrǵyzstandyq Jakshylyk Talaıbekovpen básekege túsedi.
Sondaı-aq búgin qazaqstandyq qyzdar da bokstasady. Alýa Balqybekova (48 kg) taılandtyq Thıpsatcha Iodvarımen, Rımma Volosenko (60 kg) mońǵolııalyq Nomın-Erdene Týgsjargalmen sheberlik baıqasady.
Azııa birinshiliginde ázirge Qazaqstannan úsh boksshy jarys jolynan shyǵyp qaldy.
Eske sala keteıik, budan buryn Azııa chempıonatynda 19 jastaǵy Sanjar Táshkenbaıdyń ózbekstandyq boksshyny utqanyn jazǵan bolatynbyz.
Sondaı-aq Jazıra Oraqbaeva jartylaı fınalǵa joldama aldy.
Jaına Shekerbekova Azııa chempıonatynyń jartylaı fınalyna ótti.
Karına Ibragımova júldegerler qataryna qosyldy.
Sáken Bıbosynov Azııa chempıonatynyń jartylaı fınalyna shyqty. Sáken Bıbosynov fınalǵa shyǵý úshin ózi sııaqty álem chempıony, japonııalyq Tomoıa Tsýboımen talasady.
Bokstan Azııa chempıonatynda Qazaqstan qorjynyna segizinshi medal tústi.
Foto: assets.telegraphindia.com