Azııa chempıonatynda qazaqstandyq 21 boksshy júldege talasady

ASTANA. QazAqparat - Qazaqstan quramasy Azııa chempıonatynda jartylaı fınalǵa shyqqan boksshylar sany jóninen kósh bastap tur, dep habarlaıdy QazAqparat tilshisi.

El quramasynan jartylaı fınalǵa 21 boksshy jetti. Bul jóninen qazaqstandyq sportshylar ázirge kósh basynda keledi.

Odan keıingi oryndarda Ózbekstan (13 boksshy) jáne Úndistan (12 boksshy) quramalary tur.

Al tórtinshi orynǵa Mońǵolııa (10 boksshy) jaıǵassa, alǵashqy bestikti Japonııa men Iordanııa (7 boksshy) qorytyndylaıdy.

Erler arasynda da qazaqstandyq boksshylardyń sany (12 boksshy) basym. Ekinshi orynda Ózbekstan (10 boksshy) kele jatsa, úzdik úshtiki Mońǵolııa, Iordanııa jáne Úndistan (5 boksshy) túıindep otyr.

Áıelder arasynda da qazaqstandyqtar kósh bastap keledi. Qurama sapynda 9 boksshynyń júldege talasýǵa múmkindigi bar.

Odan keıingi oryndardaǵy Úndistannyń 7, Ońtústik Koreıanyń Koreıanyń 6 boksshysy jartylaı fınalǵa jetti.

Eske salsaq, budan buryn Azııa chempıonatynda qazaqstandyq boksshylardyń qarsylastary anyqtalǵanyn hzabarlaǵan edik.

Foto: sports.kz