Azııa chempıonatynda Dýlat Bekbaýov shırek fınalǵa joldama aldy

ASTANA. QazAqparat – Iordanııanyń Amman qalasynda ótip jatqan Azııa chempıonatynda Dýlat Bekbaýov alǵashqy jekpe-jegin sátti ótkizdi, dep habarlaıdy QazAqparat tilshisi.

Qazaqstan chempıony Dýlat Bekbaýov 67 kelige deıingi salmaqta túrkmenstandyq Saparmurat Odaevpen rıngke shyqty.

Dýlat úsh raýnd boıy sheberliginiń basym ekendigin kórsetip, soqqylaryn kóbirek daryta bildi. Tóreshiler 5:0 esebimen jeńisti qazaqstandyq boksshyǵa berdi.

Osylaısha, 6 qarasha kúni Dýlat jartylaı fınalǵa shyǵý úshin qyrǵyzstandyq Jakshylyk Talaıbekovpen talasady.

Sonymen qatar búgin Sanjar Táshkenbaı 48 kelige deıingi salmaqta ózbekstandyq Asılbek Djalılovpen, Aslanbek Shymbergenov (71 kg) fılıppındik Marjon Pıanıarmen qolǵap túıistiredi.

Kúndizgi sessııa Astana ýaqytymen saǵat 16.00-de, keshki sessııa 21.00-de bastalady.

Eske sala keteıik, budan buryn bokstan Azııa chempıonatyn Serik Temirjanovtyń jeńispen bastaǵanyn, Sáken Bıbosynovtyń bastapqy kezdesýin sátti ótkizgenin jazǵan bolatynbyz.

Sondaı-aq Nazym Qyzaıbaı Azııa chempıonatynyń ¼ fınalyna ótti.

Azııa chempıonatynda búgin qazaqstandyq úsh boksshynyń rıngke shyǵatyny habarlandy.