Azııa chempıonatynda áıelder kúresinen qazaqstandyq balýandar 1 kúmis, 4 qola aldy

ASTANA. QazAqparat - Iordanııa astanasy Amman qalasynda ótip jatqan áıelder kúresinen 20 jasqa deıingi jastar arasyndaǵy Azııa chempıonatynda eki qazaqstandyq júldegerler qatarynan kórindi, dep habarlaıdy QazAqparat tilshisi.

12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr.

Jarystyń jetinshi kúninde áıelder kúresinen 20 jasqa deıingi jastar 5 salmaq dárejesinde synǵa tústi. Olardyń arasynan Shámshııabaný Tastanbek (72 keli) men Altyn Shaǵaeva (52 keli) júldegerler qatarynan kórindi.

Jarys barysynda Shámshııabaný Tastanbek fınalda úndi qyzy Harshıta Harshıtaǵa ese jiberip, kúmis medal aldy. Al Altyn Shaǵaeva qolaǵa qol jetkizdi.

Qurlyq dodada áıelder kúresinen el quramasy 1 kúmis, 4 qola júldemen qorytyndylady.​

Eske salsaq, budan buryn el quramasynan Laýra Ǵanıqyzy (50 keli) Zeınep Baıanova (55 keli), Jibekjan Sabyrjanova (68 keli) qola medal aldy.

Endi búgin, 19 shildede 20 jasqa deıingi jastar arasyndaǵy erkin kúres balýandary 57, 65, 70, 79 jáne 97 kelide salmaqta júldelerdi sarapqa salady.